Ҳукмҳои навбатӣ алайҳи эътиқоди динӣ
Санаи 20-уми ноябр додгоҳи шаҳри Хуҷанд нисбати 8 нафар сокинони вилояти Суғд ҳукмҳои навбатиро барои эътиқоди динӣ эълон намуд. Як гурӯҳ ҷавонон бо айби иштирок дар ҷамоати исломии «Салафия» ба мӯҳлатҳои гуногун аз озоди маҳрум гардид.
Маҳкумшудагон аз чор нафар донишҷӯёни шӯъбаи рӯзноманигорӣ ва ҳуқуқ, хатмкунандаи донишгоҳ, аробакаш ва дигарон иборат будан. Тибқи иттилои тафтишот, Комрон Назмиддинови 18 сола, ки дар бозор аробакаши мекард якҷоя бо ҳамсолаш Абдуназар Назаров дар ҷараёни «Салафия» иштирок карда ақидаҳои онро дар миёни ҷавонон паҳн мекарданд. Аз тарафи додгоҳ ҳар дуи онҳо дар ташкил намудани ҷамъияти экстремистӣ айбдор дониста шуда ба мӯҳлати 6 сол дар муассисаи ислоҳӣ низомаш сахт маҳкум гардиданд.
Шаш нафар дигари судшавандагон — Субҳоналӣ Абдуҷабборов, Камолҷон Охунов, Саидмурод Давлатов, Ҳаитбоӣ Шодмонқулов донишҷӯёни факултаи рӯзноманигорӣ, ҳуқуқ ва таърихи Донишгоҳи давлатии Хуҷанд, инчунин Далерҷон Самиев — хатмкунандаи ҳамин донишгоҳ ва Ғуфрон Неъматови бекор дар хабар надодани ҷиноят айбдор дониста шуданд. Додгоҳ ҳар яки онҳоро ба 6 моҳи зиндон дар муассисаи низомаш умумӣ маҳкум намуд.
Бояд қайд намуд, ки режим дар Тоҷикистон ҳаматарафа вуҷуд доштани таъқибкунӣ ва фишорорӣ барои Ислом дар кишвар бударо инкор менамояд. Вале, дар айни замон бошад додгоҳҳо бо сабаби дин бо парвандаҳои ҷиноии бофташуда баровардани ҳукмҳоро идома медиҳанд.
Санаи 19-уми ноябр комиссияи ИМА оид ба озодии байналмилалии дин ҳисоботи кишварҳои вайронкунандагони озодии динӣ аз соли 2017 ро нашр намуд, ки дар он Тоҷикистон се сол аст, ки дар рӯйхати сиёҳ қарор дорад. Чи тавре ки муаллифони ҳисобот қайд мекунанд, дар соли 2017 шахсоне, ки намуди зоҳирии диндорӣ доранд, аз ҷумла ришдорӣ ва пӯшидани ҳиҷоб назорат аз болои онҳо пурзӯр гардид.
Дар давоми даври ҳисобот тадқиқотчиён маҳдудиятҳоро дар соҳаи таҳсилоти динӣ ва ҷашн гирифтани иди Рамазон қайд намуданд.
Ҳисоботи мазкур аз 221 саҳифа иборат буда, аз он 9 саҳифааш ба вазъият бо озодиҳои динӣ дар Тоҷикистон нигаронида шудааст. Дар ҳисобот воқеаи поймолшавии номуси диндорон аз тарафи корманди давлат оварда шудааст. Бо вуҷуди он, ки корманди давлатӣ аз намозгузорон узр пурсид, масҷид баста шуд.
Намояндагони Кумитаи оид ба корҳои дин дар Тоҷикистон иқрор шуданд, ки тадқиқотчиён дар ҳисоботи худ ба манбаъҳои «шубҳанок» такя менамоянд, бинобар ин дар саҳеҳ будани он шубҳа мекунанд.
