Ҷои охирин дар ҷаҳон оиди суръати интернет
Тибқи иттилои Speedtest Global Index, дар рейтинги суръати интернети мобилӣ дар моҳи октябри соли ҷорӣ Тоҷикистон ҷои охиринро дар ҷаҳон ишғол намудааст.
Тоҷикистон ҷои 124 ро дар рейтинг ишғол намуда якчанд давлатҳоро ба монанди Афғонистон, Ироқ, Ҷазоир, Венесуэла ва Гана пеш аз худ вогузошт. Кишвари Ӯзбекистон ҷои 110-умро ишғол намудааст, Қирғизистон бошад дар ҷои 94-ум қарор дорад. Беҳтарин интернети мобилӣ дар миёни кишварҳои Осиёи Миёна дар Қазоқистон мебошад — дар ҷои 74-уми рӯйхат қарор дорад. Қазоқистон ҳатто Русияро низ гузаштааст, ки охирон дар ҷои 80-ум қарор дорад.
Тибқи ҳисоботҳои моҳи январи оҷонсиҳои маркетингии We Are Social ва Hootsuite оиди фазои рақамии ҷаҳонӣ, дар Тоҷикистон ба 33% аҳолӣ интернет дастрас мебошад. Дар Осиёи Марказӣ нишондоди аз ҳама паст (18%) танҳо дар Туркманистон мебошад. Қайд намудан зарур аст, ки ҳукумати Тоҷикистон сомонаҳои иҷтимоӣ машҳур ва дигар сомонаҳои хабариро инҳисор менамояд.
Охирин ҳодисаи мазкур санаи 6-уми ноябр пас намоиши эътирозӣ дар Хоруғ ба вуқуъ пайвастааст. Истифодабарандагони сомонаҳои хабарӣ бо воситаи барномаҳои ниҳонӣ низ наметавонистанд иттилое дастрас намоянд. Дар арафаи ба кор даровардани агрегати якуми НБО Роғун интернет дастрас гардид. Тибқи иттилои ВАО-и маҳаллӣ дастрасшавии интернет бинобар хабардоркунии ба кор дароварда шудани НБО мумкин гардид.
Мушоҳидон қайд мекунанд, ки сустшавии суръати трафики интернет аз тарафи ҳукумат бо мақсади соҳиби баҳона гаштан дар вақти бастани сомонаҳои носоз дониста карда мешавад, гӯё мо ба ин кор даст надорем, ҳамаи шикоятҳо ба таъминкунандагони интернет ирсол намоед.
