Муҳоҷири тоҷик дар шуъбаи полиси Маскав даргузашт
Санаи 27-уми ноябр дар деҳаи Баҳористони ноҳияи Рӯдакӣ ҷумҳурии Тоҷикистон маросими дафни Шоев Илҳомиддин шуда гузашт, ки номбурда дар шӯъбаи корҳои дохилии «Вешнякии» шарқи Маскав дар ҳолати номаълум вафот кардааст.
Каме пештар оҷонсии «Маскав» ба манбаи дар хадамоти ҳифзи ҳуқуқ такя намуда иттило дода буд, шаби панҷшанбеи 21-уми ноябр кормандони ҳифзи ҳуқуқ дар чорчӯбаи парвандаи ҷиноӣ оиди роҳзанӣ ба миқдори зиёд 18 нафар шаҳрвандони Тоҷикистонро дастгир намуданд. Оҷонсӣ қайд мекунад, ки дастгиршавии айбдоршавандаҳо бо кӯмаки сарбозони «Собр» амалӣ гардид.
Тибқи иттилои манбаъ дар миёни дастгиршудагон ҷавони 38 солае, ки дастҳояш бо дастбандак махкам буда муқовимат нишон медод.
«Дар утоқи кории ШВКД ҷавон ногаҳон худро бад ҳис кард ва аз ҳуш рафта аз ҷои шиштааш ба замин афтид ва сипас вафот кард», гуфт манбаъ.
Тибқи иттилои расмӣ ҷавон аз касалии дарди қалб фавтидааст.
Вале, Шарофиддин Шоев, падари Илҳомиддин дар сӯҳбат ба Радиои Озодӣ гуфт, писараш ҳеҷ гоҳ бемории дил надошт. Ӯ ичунин гуфт, ки дар танаи писараш ҷойҳои варамшуда ва пайҳои латукӯб вуҷуд дошт. Дар ҷасади марҳум вуҷуд доштани пайҳои латукӯбро наздиконаш дар маросими шустани ҷасад пай бурданд. Абдураҳим Самадов, яке аз сокинони ноҳияи Рӯдакӣ дар сӯҳбат бо радиои Озодӣ оиди вуҷуд доштани пайҳои латукӯб дар ҷасад муфассал баён намуд.
«Пайҳои латукӯб дар қисми рӯй, пушти сар, дар қафаси сина, дасту пойҳо возеҳ намоён буд».
Бояд зикр кард, ки хадамотҳои ҳифзи ҳуқуқи ФР сӯистифода аз мансаб нисбати муҳоҷирони меҳнатӣ аз Осиёи Миёна ҳамчун ҳайвон муносибат мекунанд. Ҳатто дар чорабиниҳои тафтиши санадҳо низ бо ҳамроҳи сарбозони мусаллаҳи «ОМОН» бо муносибати дурушту дағалона, латукӯб ва таҳқиромез баргузор мегардад, ки онро дар аксарият наворҳои видеоӣ дар сомонаҳои иҷтимоӣ дида мешавад.
