Намоиши эътирози дар Лубнон алайҳи андоз барои WhatsApp
Санаи 19-уми октябр дар Лубнон садҳо нафар тазоҳургарон барои иштирок дар иқдоми норозигӣ алайҳи афзоиши андоз ва коррупсияи мансабдорон (сеюмин маротиба дар се рӯз) ба кӯчаҳо баромаданд, дар ин хусус хадамоти Би-би-сии русӣ иттило медиҳад.
Иқдоми норозигӣ шаби 17-уми октябр ба хотири сиёсати андози ҳукумат, аз ҷумла қарори оиди ҷори намудани андоз барои зангҳо дар WhatsApp ва дигар месенҷерҳо ба миқдори 6 доллар дар як моҳ шурӯъ гардид. Баъдан қарори мазкурро ҳукумат бекор кард, вале намоиши эътирозӣ хотима наёфт.
Дар навбати худ ҳукумати кунуни дар намояндагии сарвазир Саад Ҳарирӣ ба эътилофи ҳукумат фармуд, ки бо зудӣ роҳҳои ҳалли мушкилотро пешниҳод намоянд.
Ёдрас мекунем, ки айнан чунин навъи андозро ҳукумати Тоҷикистон мақсад дошт амалӣ гардонад, вале бо сабаби вокуниши мардум нисбати қарори мазкур режими Раҳмонро водор сохт, ки қарори худро бекор намояд.
