Дар манзили мансабдори ӯзбек $1 миллион доллар ёфт гардид

Дар аснои кофтукови манзили зисти мансабдор дар Ӯзбекистон миллион доллари ИМА пули нақд ва ду адад чиптаи ҳавопаймоӣ ба самти Малдиви ёфт гардид, дар ин хусус centralasian.org хабар дод.

Дар хадамоти ҳифзи ҳуқуқи Ӯзбекистон ва дар маъмурияти шаҳри Тошканд хабар доданд, ки муовини раиси ноҳияи Юнусобод оид ба меъморӣ, сохтмони сармоядорӣ ва рушди коммуникатсия бо айби коррупсия ба ҳабс гирифта шуд.

Бинобар маълумоти манбаъ, айни замон муовини раиси ноҳияи Юнусобод ки санаи 13-уми октябр аз тарафи кормандони Сарраёсати Шӯъбаи Корҳои Дохилии шаҳри Тошканд ӯро аз утоқи корияш ба дастҳояш дастбанд зада бурданд айни замон дар боздоштгоҳи Хадамоти амнияти давлати Ӯзбекистон дар кӯчаи Гвардейски қарор дорад.

Чи тавре ки манбаъ дар маъмурияти пойтахт мегӯяд «ӯро дар вақти гирифтани ришват ба миқдори 5 ҳазор доллари ИМА дастгир карданд. Дар вақти кофтукови манзили зисти мансабдор $1 миллион доллар ва ду чиптаи ҳавопаймоӣ ба Малдиви, ки ба номи муовини раис ва зани номаълум гирифта шудааст ёфт гардид».

ВКД ва Прокуратураи генералӣ ҳоло оиди дастгиршавии муовини раиси ноҳияи Юнусобод шарҳ надодаанд.

Бояд қайд намуд, ки ба ҳабс гирифта шудани мансабдор пас аз як соли дастгиршавии ситезавии мансабдорони ноҳияи Юнусобод ба вуқуъ пайвастааст.

Дар моҳи сентябри соли 2018 раиси ноҳияи Юнусобод Бахтиёр Абдусаматов дар вақти гирифтани ришват ба миқдори 400 ҳазор доллари ИМА аз тарафи Хадамоти амнияти давлат дастгир шуда буд.

Дар моҳи майи соли ҷорӣ додгоҳ ӯро дар амал кардани ҷиноят тибқи моддаи 205 КҶ («Сӯистифода аз ҳукумат ва ё аз мансаб») айбдор дониста ба мӯҳлати 5 сол аз озоди маҳрум сохт.

Дастгиршуда ба мансаби муовини раиси ноҳияи Юнусобод оид ба меъморӣ, сохтмони сармоядорӣ ва рушди коммуникатсия дар аввали соли ҷорӣ таъйин гардида буд.

Мушоҳидон қайд мекунанд, ки мубориза алайҳи коррупсия дар Ӯзбекистон танҳо дар баъзе ҳолатҳо бо парвандаи ҷиноии намоишкорона бо мақсади вуҷуд доштани муборизаи мазкур карда мешавад. Ҳол он ки тамоми мақомотҳои давлатӣ дар кишвар то мақоми баландпоя фасодзада мебошад. Масалан, тибқи ҳисоботи ташкилоти байналхалқии ғайридавлатӣ Transparency International, дар рейтинги «The Corruption Perceptions Index» (Индекси дарки коррупсия) афзоиши коррупсияи ҷаҳониро муайян кард. Кишвари Ӯзбекистон дар рейтинги мазкур аз 180 давлат ҷои 158-ро ишғол мекунад.