Мубориза алайҳи ҳиҷоб дар Душанбе: латукӯб ва таҳдиди таҷовуз
Нилуфар Раҷабова дар вақти рейд алайҳи занҳои ҳиҷобпӯш дастгир шуд ва дар давоми якчанд соат зери фишорорӣ ва таҳқиркунӣ дар ШВКД Сино-2 қарор гирифт. Пас аз ин Нилуфар бетоб шуд ва бо як азоб роҳ мегашт, дар ин хусус радиои Озодӣ иттило медиҳад.
Ҳодисаи мазкур рӯзи 14-уми декабр, дар вақти баргаштани Нилуфар аз беморхона ба манзили зист рух дод. Дар роҳ маро намояндагони Кумитаи оид ба корҳои занон ва коркунони милиса дастгир намуданд. Маро ва чор нафар занҳои ҳиҷобпӯши дигарро барои гузаронидани сӯҳбати тавзеҳӣ ба шӯъбаи милисаи ноҳияи Сино бурданд, — нақл мекунад ҷабрдида. Бинобар гуфтаи зан, дар шӯъбаи милиса 15-20 нафар занҳои дигар низ қарор доштанд. Ҳамаро бо ҳабси 15 шабонарӯзӣ таҳдид мекарданд, вақте, ки Нилуфар ҳуқуқҳояшро талаб кард, ӯро ба таҳхона бурда сахт латукӯб карданд ва таҳдид кардаанд, ки дар зери сабти навори видеоӣ ӯро таҷовуз хоҳанд кард. Пас аз 10 соати пурсиш Нилуфарро раҳои карданд, он ҳам бошад, танҳо пас аз омадани модари Нилуфар Валомат Иброҳимзода амалӣ гардид.
Ҷолиби диққат аст, ки ҳарчанд намояндагони режими Раҳмон дар вақти баромадҳои расмияшон дар майдонҳои байналхалқӣ ва дар назди хабарнигорон чандин маротиба ҳолатҳои таъқиби занони тоҷикро барои пӯшидани либоси исломӣ рад карда меоянд, дар қарибул вуқуъ намояндаи маъмурияти раисҷумҳур дар ҳамсӯҳбати телефонӣ бо блогери тоҷик Абдураҳмон иброз намуд, ки пӯшидани ҳиҷоб ва сатр дар кишвар манъ шудааст.
