Тавҳидбонк: дар Тоҷикистон бастани рӯймоли мусулмониро ҳатми гардониданд

Бонки ба ном исломии «Тавҳидбонк», ки дар бахши бонкдории Тоҷикистон пайдо шудааст, барои кормандони худ либоси ягонаро тасдиқ кард. «Ҳамаи кормандони бонк, ки бо муштариён кор мекунанд, бояд рӯймол басар намоянд. Рӯймоли мусулмонӣ як қисми либоси тасдиқшудаи мо мебошад», — дар ин хусус радиои Озодӣ ба хадамоти иттилоотии «Тавҳидбонк» такя карда иттило медиҳад.

Мушоҳидон қайд мекунанд, ки чунин қарор ба манфиатҳои моддӣ алоқаманд аст, алахусус аз он, ки вақтҳои охир системаи бонкдории исломӣ дар кишварҳои мусулмоннишин маъруфият пайдо карда истодааст ва маблағҳои калон дар ин соҳа чарх мезананд. Ба ақидаи онҳо, ба кормандони Тавҳидбонк дастур дода шуда буд, ки дар ҷои корӣ танҳо бо мақсади эҷоди симои берунаи бонки исломӣ дар назди сармоягузорони кишварҳои маблағгузорони мусулмонӣ рӯймол ба сар намоянд. Бо ин тасвиби ҳукумат оиди сару либоси муқарраркардаи роҳбарияти бонк барои кормандони худ маънидод карда мешавад. Бояд қайд намуд, ки либоси ягонаи муқаррарнамудаи кормандони роҳбарияти бонк ба талаботи Ислом оиди либоспӯшӣ пурра мувофиқат намекунад.