Коронавирус дар Осиёи Миёна
Тибқи иттилои Вазорати корҳои хориҷии Ӯзбекистон, айни замон 23 шаҳрванди Ӯзбекистон дар хориҷи кишвар бо коронавирус сироят ёфтаанд. Аз инҳо, дар Австрия (1), Арманистон (1), ИМА (10), Аморати Муттаҳидаи Араб (1), Ҷумҳурии Корея (1), Покистон (5), Русия (1), Таиланд (1), Қазоқистон (2). Се нафари онҳо аллакай вафот кардаанд (ИМА).
Дар навбати худ, тибқи маълумоти 6-уми апрел шумораи мубталоён ба касалии мазкур дар дохили Ӯзбекистон 397 нафарро ташкил мекунад. Дар Қазоқистон шумораи сироятшудагон 651 нафар, дар Қирғизистон 228 нафарро ташкил мекунад. То ба имрӯз мақомоти Тоҷикистон ва Туркманистон даъво доранд, ки дар кишварҳои онҳо касе ба вируси мазкур мубтало нашудааст. Вале, ба ҳамаи ин нигоҳ накарда, рӯзҳои 6-ум ва 7-уми апрел дар шимоли Тоҷикистон болоравии нархи маводи хӯрокворӣ мушоҳида шудааст, ки мушоҳидон дар бозорҳои маҳаллӣ талотумро қайд намудаанд.
