Дар Исфара коркуни милиса сокини солхӯрдаи маҳаллиро латукӯб намуд
Дар шаҳри Исфараи шимоли Тоҷикистон, корманди милиса як сокини 61-солаи ҷамоати Ворух Исломбек Аҳмадовро таҳқир ва латукӯб кард.
Ҳодиса шоми 11-уми июн дар нуқтаи тиббии назди даромадгоҳи ҷамоати Ворух рух дод. Навори латукӯби сокинон дар сомонаи «Ахбор» нашр шудааст. Сокини 61-солаи маҳаллӣ дар ин бора ба хабарнигорон нақл кард. “Бо корманди БДА баҳс кардем. Он вақт, бо баъзе сабабҳо, корманди шӯъбаи милисаи Ворух Шерзод Пирзода ба назди ман омада, бо суханони қабеҳ таҳқир кард. Ман ба ин тоб оварда натавонистам ва ба ӯ низ ҷавоб додам. Пас корманди милиса маро ба пой ва рӯям зарба зад. Ҳамсари ман, ки он замон аз чарогоҳ бармегашт, ин манзараро дида, кӯшиш кард, ки корманди милисаро ором кунад, аммо ӯ ба қафаси синаи ҳамсарам зарба зад», — нақл намуд Исломбек Аҳмадов.
Навори видеоӣ ғазаби истифодабарандагони бахши тоҷикии шабакаҳои иҷтимоиро ба бор овард. Тибқи маълумоти пешакӣ, агар гуноҳи корманди милиса исбот гардад, ҷинояткор аз ҷои кор, яъне танҳо аз мақомоти ҳифзи ҳуқуқ озод карда мешаваду халос.
