Transparency International: коррупсияи системавӣ дар Тоҷикистон
Transparency International, як созмони байналмилалии ғайридавлатӣ мубориза бо фасод, пажӯҳиши навбатии солонаи «Индекси дарки фасод — 2022»-ро нашр кард.
Индекси дарки фасод дар 180 кишвари ҷаҳон арзёбӣ мешавад. Пурсишҳо дар доираҳои тиҷоратӣ ва коршиносон асос гирифта мешаванд.
Бар асоси гузориши ҷадиди Transparency International дар Осиёи Марказӣ, Тоҷикистон дар Индекси нави фасод дар баробари Афғонистон, Камбоҷа, ҶАМ, Гватемала, Лубнон ва Нигерия дар мақоми 150-ум боқӣ мондааст. Бо гирифтани 24 хол аз рӯи ҷадвали 100-баллӣ, ки дар он 0 ҳадди ниҳоии фасод аст, 100 набудани он аст. Дар гузорише, ки соли гузашта нашр шуд, Тоҷикистон 25 хол гирифт, ки ин нишон медиҳад, ки фасод дар ин кишвар ба як амри маъмулӣ табдил ёфтааст, гуфт Алтинай Мирзабекова, мушовири намояндагии Transparency International дар Берлин нисбати Осиёи Марказӣ. Ба гуфтаи вай, «дар солҳои ахир авторитаризм дар Тоҷикистон афзоиш ёфта, мақомот барои мубориза бо фасод ислоҳоти лозимро анҷом намедиҳанд».
Мушовири Transparency International дар Осиёи Марказӣ мегӯяд, фасод дар Тоҷикистон “амиқан системавӣ” аст ва далели ин “нобуди мустақилият дар кори додгоҳ ва ниҳодҳои интизомӣ”, “ношаффофӣ дар кори мақомоти давлатӣ ва набуди масъулият барои онҳо дар назди ҷомеа” аст, инчунин «мавҷудияти бархӯрди манфиатҳо, махсусан дар зинаҳои боло ва миёнаи ҳукумат».
Нисбати ҳамсояҳо дар минтақа бошад Қазоқистон 36 имтиёз гирифта, дар зинаи 101-ум, Узбакистон бо 31 имтиёз дар ҷои 126-ум, Қирғизистон бо 27 имтиёз дар ҷои 140-ум ва Туркманистон бо 19 имтиёз дар ҷойи 167-ум қарор доранд.
