Душанбе: 8 сол барои “Салафия”

Додгоҳи ноҳияи Исмоили Сомонии шаҳри Душанбе, Муҳаммади Раҳматулло, воиз дар гузашта яке аз раҳбарони равияи динии “Салафия” дар Тоҷикистонро бар асоси моддаи 307-и Кодекси ҷиноии ҶТ ба 8 соли зиндон маҳкум кард. Дар ин бора Радиои Озодӣ рӯзи 23 март бо такя ба бародари воиз Юсуф Муҳаррамов хабар дод.

«Ман дар ду мурофиаи судӣ ширкат кардам ва дар ҳукми додгоҳ ҳузур доштам. Дар толори додгоҳ одамони зиёд буданд, барои чӣ бародарамро маҳукм карданд, ман то ҳол нафаҳмидам. Якҷоя бо ӯ 10-12 нафари дигар маҳкум шуданд, онҳоро аз хафт то даҳ сол аз озодӣ маҳрум карданд… Беҳтараш аз занаш пурсед, вай дар ҳама мурофиаҳои судӣ ширкат кардааст», — мегӯяд бародари маҳкумшуда.

Дар авоили соли 2016 Муҳаммади Раҳматулло бо иттиҳоми ташкили иттиҳоди ифротӣ алакай ба 8 соли зиндон маҳкум шуда буд, вале дар авохири тобистони соли 2021 бар асоси қонуни авф ба озодӣ баромад.

Рӯзи 2 ноябр воизро барои суҳбат ба КДАМ даъват карда буданд. Баъди чанде кормандони КДАМ ба писари Муҳаммади Раҳматулло занг зада гуфтанд, ки падараш боздошт шудааст. Сабаби боздошт, ба гуфтаи мақомот, гӯё сӯҳбати воиз дар мавзӯи динӣ будааст.

Ёдовар мешавем, ки солҳои 2006-2007 режими Раҳмон ҳангоми қабули қонун “Дар бораи танзими анъана ва ҷашну маросимҳои миллӣ дар Ҷумҳурии Тоҷикистон” дар тобистони соли 2007 аз намояндагони равияи “Салафия” фаъолона истифода карда, ҳатто ба онҳо дар телевизиони тоҷик вақти эфир дода буд. Коршиносон бар ин назаранд, ки ин қонун пеш аз ҳама ба хотири ҷилавгирӣ аз (инкишофи – нужно проверить это слово) исломӣ дар кишвар буд, зеро дар давраи аз соли 2005 то соли 2007 бахши умдатан бештари ҷамъияти Тоҷикистон ҳама расму оин ва ҷашнҳоро тибқи дастури исломӣ анҷом медоданд.