Иди Қурбон муборак шавад!
Таҳририяти портали иттилоотӣ-таҳлилии «Хабарҳо» шуморо бо Иди Қурбон табрику таҳният мекунад!
الله أكبر ، الله أكبر الله أكبر لا إله إلا الله ، والله أكبر الله أكبر ولله الحمد
«Аллоҳу акбар, Аллоҳу акбар, Аллоҳу акбар, ла илаҳа илла Ллоҳу, Аллоҳу акбар, Аллоҳу акбар уалил-Лаҳил ҳамд!»
Портали иттилоотӣ-таҳлилии «Хабарҳо» мусулмонони тамоми ҷаҳон, алалхусус сокинони Осиёи Марказиро бо фарорасии Иди Қурбон табрик мегӯяд. Ин ид дар ҳоле фаро расид, ки ҷаҳони имрӯза ба бесарусомониҳои геополитикӣ гирифтор шудааст. Мутаассифона, кишварҳои мо низ аз ин бархӯрдоранд ва ба майдони муборизаи кишварҳои абарқудрат табдил ёфтаанд. Ба Аллоҳи мутаъол дуо мекунем, ки ба мо адолати бар ҳақ бунёд шударо ато карда, моро ҳарчи зудтар аз макру ҳийлаҳои душманонамон ва аз мустамликадорӣ озод кунад!
Инчунин аз даргоҳи илоҳӣ таманно дорем, ки намозу рӯзаҳои изофие, ки дар ин моҳ адо кардаем, ибодати ҳаҷ ва қурбониҳоямонро қабул намояд ва ҳамчун хуни рехташудаи ҳайвони забҳшуда, тамоми гуноҳҳоямон омурзида шавад!
“Хабарҳо”
