Ҳудуди қарзи давлатиро аз 40% то 60% ММД боло мебардоранд
Ҳукумати Тоҷикистон нақша дорад, ки ҳаҷми ҳудуди қарзи давлатиро аз 40%-и ҳозира то 60% аз ММД боло бардорад, дар ин хусус санади Бонки ҷаҳонӣ дар қисми иқтисоди Тоҷикистон гуфта шудааст.
Тибқи маърӯза дар соли 2017 ҳаҷми қарзи давлатии Тоҷикистон аз 35% то 50% аз ММД афзоиш ёфтааст, яъне ҳудуди ниҳоие, ки ҳукумат 40% аз ММД муайян карда буд, гузаштааст. Омили асосие, ки афзоиши мазкурро ташкил намудааст қарзҳо мебошанд, ки гӯё барои амалигардонии якчанд лоиҳаҳои иқтисодӣ гирифта шудааст. То охири моҳи июни соли 2017 Чин ҳамчун маблағгузори асосии Тоҷикистон ба ҳисоб меравад ва қисми аз ним зиёди қарзи давлатии Тоҷикистон нисбат аз се як ҳиссаи дигари қарзи умумие, ки бар дӯши ташкилотҳои молиявӣ аст бар ӯҳдаи Чин мебошад.
Ҷолиби диққат он аст, ки қарзи давлатии кишвар рӯз то рӯз афзоиш меёбад, вале ҳамаи қарзҳои мазкур на барои ҳалли муаммоҳои мардум гирифта мешавад. Зеро сатҳи зиндагии кишвар дар ҳолати хатарнок қарор дорад. Масалан, тибқи маърӯзаи бонки ҷаҳонӣ 14% аҳоли дар сатҳи қашшоқӣ зиндагӣ мекунад, сатҳи қашшоқӣ бошад 30%-ро ташкил медиҳад.
Ёдрас мекунем, ки интиқоли маблағҳои муҳоҷирони меҳнатӣ ҳамчун манбаи асосии даромади аҳолии Тоҷикистон ба ҳисоб меравад, таназзул бошад дар ҳамаи секторҳои иқтисоди кишвар дида мешавад.
