Ҳукумати Тоҷикистонро дар таъқибкунии диндорон айбдор донистанд
Ҳукумати Тоҷикистон боз айбҳои худро нисбати вайронкунии хуқуқҳои диндорон рад намуд.
Раиси кумитаи оид ба корҳои дин танзими анъана ва ҷашну маросимҳои назди ҳукумати Тоҷикистон Сулаймон Давлатзода айбдоркунии ИМА оиди вайрон намудани ҳуқуқҳои диндоронро дар Тоҷикистон рад намуд. «Баёноти Департаменти давлатии ИМА бар хабарҳои тасдиқнашудаи ВАО асоснок шудааст», гуфт ӯ санаи 5-уми январ дар мусоҳиба бо радиои Озодӣ.
Ёдрас мекунем, ки рӯзҳои наздик Иёлоти Муттаҳида такя бар тадқиқоти комиссияи ИМА оиди озодии дин дар кишварҳои ҷаҳон (UNCIRF) Тоҷикистон, Туркманистон ва Ӯзбекистонро ба сафи 10 кишварони «аз ҳама пурхавотир» бо сабаби вайроншавии озодии виҷдон ва хомӯшкунии озодиҳои динӣ дохил намуд. Вале ин дар навбати худ барои ҳамкориҳои зич ва маблағгузории ИМА кишварҳои дар боло зикршударо оиди мубориза алайҳи Ислом ва мусулмонон бо баҳонаи мубориза алайҳи терроризм ва экстремизм монеа эҷод намекунад. Зеро айнан бо баҳонаи мазкур режимҳои кишварони Осиё Марказӣ қонунҳои шадидро эҷод намуда бо ин ҳуқуқҳои диндоронро маҳдуд месозанд.
