Шаҳрвандони Тоҷикистонро дар зиндонҳои Русия оҳиста-оҳиста ба қатл мерасонанд
Шаҳрвандони Тоҷикистон ки дар қаламрави Федератсияи Русия бо парвандаҳои ҷиноии бофташуда равонаи зиндон шудаанд бо муносибатҳои ғайриинсонӣ дар ҷойҳои маҳрумият аз озодӣ рӯбарӯ меоянд.
Ҳамин тавр, ҳафтаи гузашта хешутаборон ва наздикони якчанд шаҳрвандони Тоҷикистон, ки дар зиндонҳои Русия мӯҳлати адои ҷазо менамоянд бо шикоят ба таҳририяти мо муроҷиат карданд.
Дар ҳамсӯҳбат бо хабарнигори «Хабарҳо» ҳамсари маҳкумшуда Шарипов Аҳмад (номаш тағйир дода шудааст) оиди шароити шавҳараш чунин нақл кард:
«Шавҳарам ҳамчун қосид (курьер) дар шаҳри Маскав кору фаъолият мекард. Се сол пеш аз тарафи кормандони ФСБ дастгир шуда ӯро дар фаъолияти экстремистӣ айбдор намуда, 17 сол ба зиндон маҳкум намуданд. Айби ӯ дар он буд, ки мусулмони риоякунанда аст ва адабиётҳои динӣ мутолеъа мекард. Пас аз дастгиршавӣ ӯ бар зидди ҳамватанонаш нишондодҳои бардурӯғ надодааст. Ғайр аз он ки 17 сол аз озодӣ маҳрум намуданд, ӯро ба Сибир равон карданд ва дар камераи изолятсионӣ ҷойгир намуданд. Иловатан, вақте ки ман хостам ба ӯ либоси гарм интиқол намоям, зеро ӯ дар Сибир аст, ба ман гуфтанд, ки то 6 моҳ нагузарад ба ӯ ягон чиз интиқол кардан манъ аст», мегӯяд ӯ.
Мусоҳиби дигар низ ба «Хабарҳо» нақл намуд, ки бародари ӯро низ бо айби экстремизми динӣ ба Сибир равон карданд. Инчунин ӯ шикоят карда гуфт: «хадамотҳои қудратии рус ҳамаи мусулмонони маҳкумшудагонро қасдан ба Сибир рои мекунанд, то ин ки онҳо дар онҷо аз шароити ғайриинсонии нигоҳдорӣ азият кашида ҳалок шаванд. Чи тавре ки мушоҳида намудем корҳои зерин нисбати мусулмонони муҳоҷирони меҳнатии аз Тоҷикистон буда барои фаъолияти динияшон татбиқ карда мешавад».
