Ӯзбекистон: ҷаллоди Андиҷон мушовири вазири ВКД таъйин гардид
Дар машварати интихоботии ҳукумати Ӯзбекистон санаи 27 феврал вазири ВКД Пӯлод Бобоҷонов оиди ба мансаби мушовири худ таъйин гаштани Алматов баёнот дод. Тибқи баъзе хабарҳо Алматов вазифаи фаъолияти ҳамоҳангсозии мубориза алайҳи коррупсия дар хадамотҳои қудратиро бар ӯҳда дорад. Дар гузашта Зокир Алматов хадамоти ВКД-ро 14 сол идора намудааст, пас аз воқеаҳои андӯҳгини машҳури Андиҷон ӯ аз вазифаи вазири ВКД сабукдӯш гаштааст.
Алматов ҳама вақт ҳамсафи наздики Ислом Каримов ба шумор мерафт. Дар тӯли бар ӯҳда доштани мансаби вазири ВКД, сиёсати хомӯш намудани ҳуввияти исломӣ-ро дар кишвар дастгирӣ намуда, дар амали гардонидани ин сиёсат фаъолона иштирок варзидааст. Дар рӯйхати тасвибие, ки аз ҷониби Иттиҳоди Аврупо пас аз ҳодисаҳои Андиҷон қабул гардидааст, номи ӯ рӯйхати 12 мансабдоронро сардорӣ мекунад, ки ба онҳо даромадан ба қаламрави ИА манъ шудааст. Ба гуфтаи тадқиқотчии «Human Rights Watch» дар кишварҳои Осиёи Марказӣ Стив Свердлов, Зокир Алматов ба чунон ҷиноятҳои вазнин алоқадор аст, ки муддати кӯҳна шавӣ надоранд.
