Дар Тоҷикистон имом-хатибонро барои таблиғот кор мефармоянд
Имом-хатибони Тоҷикистонро маҷбур намуданд, ки дар байни ҷавонон оиди хизмати ҳарбӣ таблиғот гузаронанд. Чи тавре ки дар ҳамсӯҳбат бо радиои Озодӣ имом-хатиби масҷиди ҷомеъӣ шаҳри Ҳисор Шарофиддин Фозилов нақл намуд, якчанд имомон якҷоя бо гурӯҳи намояндагони комиссариати ҳарбӣ ва шӯрои хоҷагиҳо ба манзили истиқоматии довталабон рафта оиди ҳатмӣ будани хизмати ҳарбӣ таблиғот гузарониданд.
«Мо дар хусуси ватанпарварӣ, дӯст дории ватан, сулҳу осоиштагӣ дар кишварамон ва дар минтақа ҳарф мезанем. Инчунин нақл мекунем, ки артиш ин мактаби зиндагист ва дар онҷо ҳар як шаҳрванд вазифаи конститутсионии худро ба ҷо меорад ва эҳтироми мардумеро, ки ба он мансуб мебошад бартарӣ медиҳад… Ман шахсан шоҳиди он гаштам, ки пас аз таблиғот якчанд ҷавонон оиди хоҳиши хизмати ҳарбӣ изҳор намуданд», гуфт Фозилов.
Котиби матбуотии хадамоти мудофиавӣ Фаридун Маҳмадализода дар ҳамсӯҳбат бо радиои Озодӣ тасдиқ намуд, ки имсол намояндагони рӯҳониён дар кампанияи даъвати баҳорӣ фаъолона иштирок меварзанд.
«Мо пештар низ имом-хатибонро ба вохӯрӣ бо даъватшудагони оянда таклиф менамудем. Онҳо таблиғот мегузаронданд ва аз паи корҳояшон мерафтанд. Вале имсол бошад имом-хатибон якҷоя бо гурӯҳи намояндагони комиссариати ҳарбӣ ва шӯрои хоҷагиҳо ба манзили истиқоматии довталабон рафта оиди ҳатмӣ будани хизмати ҳарбӣ таблиғот мегузаронанд», изҳор намуд ӯ.
Коршиносон қайд мекунанд, ки ба расмӣ будани режими секуляристӣ ва муборизаи шадид бурдани алайҳи ҳамаи намуди зоҳир шудани Ислом дар ҳаёт нигоҳ накарда, ҳукумат доим намояндагони рӯҳониёни мутеъбударо барои пайдо намудани афкори омма ва амалӣ гардонидани масъалаҳои сиёсии таъйин гардида ҷалб менамояд. Масалан, имом-хатибон дар барҳам додани ҲНИТ барои таблиғот кор фармуда шудаанд, дар қабул гардидани ислоҳот дар қонуни оид ба танзим даровардани расму оин ва анъанаҳои динӣ, инчунин дар таблиғот оиди рад намудани пӯшидани ҳиҷоб бар ивази либоси миллӣ ва ғайра кор фармуда шудаанд. Алоҳида бояд қайд намуд, ки имрӯз минбарҳои масоҷид ба карнайи асосии режим табдил ёфтааст, ки аз он ҳар ҳафта хатибони тобеъ будаи ҳукумат ба ҷое ки дар хусуси ҳолатҳои динӣ ваъз гӯянд, таблиғот ва пазируфтани режими ҳукмравоӣ имрӯзаро ҳамаҷониба дастгирӣ менамоянд.
