Чин кӯли Сарези Тоҷикистонро харидорӣ мекунад
Ширкати чинӣ Heaven Springs Dynasty Harvest Group барои истифода бурдани оби кӯли Сарез иҷозатнома ба даст даровардаст.
Аз худ кардани «дурдонаи кабуд»- и тоҷикиро Ориёнбонки маҳаллӣ ва ширкати чинӣ Heaven Springs Dynasty Harvest Group ба ӯҳда доранд, ки аллакай созишномаи муносиб ба имзо расидааст.
Ширкати чинӣ Heaven Springs Dynasty Harvest Group ӯҳдадор шудааст, ки дар наздикии кӯли Сарез ширкати оббарории нӯшокӣ месозад ва дар бозорҳои кишварҳои Осиёи Марказӣ ва Осиёи ҷануби-шарқӣ ба фурӯш мебарорад.
Мутахассисон қайд мекунанд, ки дар кӯли Сарез захираи калони оби нӯшокӣ буда, супоридани обанбори мазкур ба ширкати чинӣ ҳар оина кушодани роҳ ба захираҳои обии минтақаи Осиёи Марказӣ мебошад.
Ёдрас мекунем, ки ҳарсол бештар ва бештар захираҳои табии стратегии Тоҷикистон ба ихтиёри ширкатҳои чинӣ дода мешавад. Илова бар ин, каме пештар масоҳати калони замин дар минтақаи ҳаммарзии Тоҷикистону Шинҷон ба Чин супорида шуда буд.
