• Home »
  • Habarho »
  • Дар Маскав эътирозгарони муҳоҷирони меҳнатӣ аз Осиёи Марказӣ дастгир карда шудаанд

Дар Маскав эътирозгарони муҳоҷирони меҳнатӣ аз Осиёи Марказӣ дастгир карда шудаанд

Санаи 1-уми октябр дар шаҳри Маскав аз тарафи полис коргарони ширкати «Ингеоком», ки бо сабаби пардохт накардани маош намоиши эътирозӣ ташкил намуданд, дастгир шуданд. Дар миёни эътирозгарон шаҳрвандони Осиёи Марказӣ низ зиёданд.

Тибқи иттилоӣ ҳимоятгарони ҳуқуқ 16 нафар дасгир шуданд, ки нисфи онҳо муҳоҷирони меҳнатӣ аз Осиёи Марказӣ мебошанд. Онҳоро ба шӯъбаи полиси ноҳияи Пресненский дар маркази шаҳр фиристоданд. Чи тавре, ки портали «ШКД-Инфо» хабар медиҳад намоиши эътирозӣ дар назди бинои ҳукумати Маскав баргузор гардидааст.

Ба гуфтаҳои фаъол Александр Зимбовский коргарон бо мақсади дар масъалаи пардохти маош ноил шудан ба адолат мехостанд. Пеш аз ин онҳо ба дигар мақомотҳо муроҷиат намуданд, вале натиҷаи мусбӣ дида нашуд.

Ҳодисаи оиди напардохтани маош аз тарафи ширкати «Ингеоком» моҳҳо инҷониб давом дода истодааст. Коркунони ин ширкат чанд маротибааст, ки намоиши эътирозӣ барои напардохти маош мегузаронанд. Моҳи марти соли 2016 эътирозгарон барои тӯли панҷ моҳ нагирифтани маош хашмгинии худро намоиш карда буданд. Тибқи гуфтаҳои ҳимоятгари ҳуқуқ аз Тоҷикистон Икром Хамуралиев сохтумончиён маҷбур мешуданд бе риоя кардани қоидаҳои бехатарӣ ва нормаҳои ҳуқуқи меҳнатӣ 10-12 соат кор бикунанд.