• Home »
  • Habarho »
  • Меҳнати муҳоҷирони тоҷик дар Русия нисбат ба дигарон каммузд мебошад

Меҳнати муҳоҷирони тоҷик дар Русия нисбат ба дигарон каммузд мебошад

Тибқи тадқиқоти мутахассисони Донишгоҳи тадқиқоти миллии мактаби олии иқтисод, меҳнати шаҳрвандони Тоҷикистон ва Қирғизистон дар байни муҳоҷирони меҳнатӣ хеле каммузд мебошад.

Тибқи иттилои ДТМ МОИ дар Русия аз ҳама зиёд шаҳрвандони Белорус ба музди баланд соҳиб мебошанд. Бо ҳисоби миёнаи соли гузашта ба шаҳрвандони Белорус 41,1 ҳазор рубли русӣ дар як моҳ музди меҳнат муайян карда шуд. Пас аз онҳо шаҳрвандони Гурҷистон ба миқдори 33,5 — 35,9 ҳазор рубл ва шаҳрвандони Молдова ба миқдори 33,2 — 35,3 ҳазор рубл музди меҳнат мегиранд. Шаҳрвандони Украина бошад аз онҳо камтар 30 ҳазор рубл мегиранд. Дар ҳолати бад музди меҳнати шаҳрвандони Тоҷикистон 25-28 ҳазор рубл, шаҳрвандони Ӯзбекистон 27-29 ҳазор рубл ва шаҳрвандони Қирғизистон 27-29 ҳазор рубл муқаррар карда шудааст.

Бо вуҷуди он, ки соати кории муҳоҷирон аз шаҳрвандони Федератсияи Русия қариб ним баробар зиёд аст 59 соат муқобили 39,6 соат. Тибқи иттилои ria.ru асосан соҳибкорони хурд (40,3%) ва миёна (35,7%) ба муҳоҷирони меҳнатӣ корҳои беихтисосро пешниҳод мекунанд, гарчанде, ки 60% онҳо дар ватанашон бо корҳои боихтисос машғул будаанд.