• Home »
  • Habarho »
  • Трамп аз созишномае, ки бо Арабистони Саудӣ ба маблағи $460 млрд бастааст худситоӣ намуд

Трамп аз созишномае, ки бо Арабистони Саудӣ ба маблағи $460 млрд бастааст худситоӣ намуд

Раисҷумҳури ИМА Доналд Трамп иброз намуд, ки аз Шарқи наздик ба Иёлоти муттаҳида садҳо миллиард долларро бозпас гардонид. «Аз Шарқи наздик ба ИМА садҳо миллиард долларро бозпас намудам — ин бошад маънои онро дорад, ки ҷойҳои корӣ, ҷойҳои корӣ, ҷойҳои корӣ!», дар Twitter — и худ оиди контрактҳои миллиардноке, ки бо Шоҳигарии саудӣ санаи 27 маӣ бастааст, менависад Трамп.

Трамп хурсандӣ дорад, ки ӯ тавонист контрактҳои миллиарднок барои кишвари худ дар сафари якумин ба Шарқи наздик бастааст. Дар рафти сафар ӯ кишварҳои Арабистони Сауди, «Исроил» ва Ватиканро зиёрат намудааст. Инчунин бо Арабистони Сауди созишномаҳои иқтисодиву ҳарбӣ ба маблағи зиёда аз $460 млрд контрактҳоро имзо кардааст. Инро ҳамчун комёбии маъмурияти худ донистааст.

Сармуҳаррири «The Middle East Eye» Дэвид Херст дар мақолаи худ бо номи «Чаро Арабистони Сауди ба ҷои он ки мардумашро дастгири намояд, эҳтимолан хоҳиши Трампро қонеъ мегардонад» мегӯяд, ки Қасри Сафед аз сабаби омадани маблағи ногаҳони аз тарафи Саудия хурсандӣ дорад. Зеро бо омадани маблағ дар ИМА бевосита миллионҳо ҷойҳои кориро ба вуҷуд меорад. Ҳамаи ин бар он ки расман сатҳи бекорӣ дар худи Арабистони  Сауди 12 % — ро ташкил медиҳад, вале дар асл бошад хеле зиёд аст.

«Трамп аллакаӣ бузургтарин созишнома оиди хариду фурӯши силоҳҳоро дар таърихи ИМА имзо намудааст. Ҳамин тавр ӯ метавонад ваъдаҳои пешазинтихобот додаашро ба ҷо орад, яъне Оли Саудро маҷбур месозад, то ин ки барои ҳама чиз пардохт намояд. Ҳатто барои мушакҳое, ки дар ягон ҳолат истифода бурда наметавонад пардохт намояд», қайд намуд Дэвид Херст.