• Home »
  • Habarho »
  • ИМА: Русия оиди хавфи глобалӣ доштани ДИИШ-ро дар Афғонистон бармеангезад

ИМА: Русия оиди хавфи глобалӣ доштани ДИИШ-ро дар Афғонистон бармеангезад

Дар Вазорати мудофиаи ИМА хавфи паҳн шудани ДИИШ дар кишварҳои Осиёи Марказӣ бударо рад намуданд ва онро «таблиғоти рус» номиданд. Дар ин хусус ОИ РИА Новости ба намояндаи хадамоти матбуотии Пентагон подполковник Кон Фолкнер такя намуда иттилоъ медиҳад.

«Русия то ҳол оиди хавфи глобалӣ доштани ДИИШ дар Афғонистонро бармеангезад ва бо ин кӯшишҳои ИМА-ро дар Афғонистон мехоҳад барҳам диҳад», иброз намуд Фолкнер.

Ба гуфтаи ӯ, баёнотҳои оид ба кӯшиши забт намудани минтақаҳои Осиёи Марказӣ аз ҷониби ДИИШ Маскав мехоҳад байни ИМА ва ҳампаймонони минтақавиаш «хунукӣ дарорад».

Ёдрас мекунем, ки каме пеш ҷонишини вазири умури хориҷии ФР Олег Сыромолотов дар баромади худ дар шаҳри Душанбе иброз намуда буд, ки Афғонистон ба такягоҳи асосии ҷангиён табдил ёфтааст. Ба гуфтаи ӯ, шумораи ҷангиёни ДИИШ ба 10 000 нафар мерасад ва тақрибан нисфи онҳо дар ҳаммарзи шимолӣ нигаронида шудааст. Сыромолотов қайд намуд, ки ҷангиён мақсад доранд, то ҳукуматҳои қонунии кишварҳои Осиёи Марказиро барҳам дода ба ҷои он «Хуросони Шимолӣ»-ро барпо намоянд.

Мутахассисон қайд мекунанд, ки гӯё «хавфи ДИИШ»-ро Русия дар асл бо мақсади ҳимоя намудани манфиатҳои мустамлакадории худ дар кишварҳои Осиёи Марказӣ амалӣ месозад. Вале, ИМА бошад худи ҳамин нақшаро барои сафедкунии манфиатҳояш дар кишвари Сурия амалӣ мегардонад.