• Home »
  • Habarho »
  • Русия: барои муҳоҷирони меҳнатӣ гирифтани патент мушкил хоҳад шуд

Русия: барои муҳоҷирони меҳнатӣ гирифтани патент мушкил хоҳад шуд

Чи тавре ки ОИ «Авесто» иттилоъ медиҳад Вазорати меҳнати ФР лоиҳаи қонун барои муҳоҷирони меҳнатӣ аз кишварҳои бидуни раводид буда тайёр хоҳад кард, ки тибқи лоиҳаи мазкур минбаъд гирифтани патент барои кору фаъолият мушкил хоҳад шуд.

Бинобар иттилои «Российская газета» санади мазкур барои муҳокимаи оммавӣ дар портали Федеролии актҳои хуқуқи меъёрӣ ҷойгир шудааст.

Имрӯз маҳдудияти ягона барои кору фаъолияти муҳоҷирони меҳнатӣ дар Русия ин нархи патент мебошад. Агар дар минтақае бигӯянд, ки ба муҳоҷирони меҳнатӣ эҳтиёҷ надоранд, нархи он чунон боло меравад, ки ҳатто пардохти он ба муҳоҷирони меҳнатӣ мушкил мешавад. Агар ба қувваи корӣ эҳтиёҷ пайдо кунанд, нархи он поин хоҳад рафт. Дар Вазорати меҳнат иброз намуданд, ки чунин механизми «маҳдудкунӣ» кифоят намекунад ва механизми навро пешниҳод намуданд. Ба минтақаҳо ҳуқуқи ташкил намудани рӯйхати ихтисосҳоро медиҳанд, ки бинобар он муҳоҷирони меҳнатӣ метавонанд бо патент кору фаъолият намоянд. Агар шаҳрванди хориҷӣ ба ихтисосе, ки дар рӯйхат гузошта шудааст соҳиб набошад гирифтани патент ғайриимкон мешавад.