• Home »
  • Habarho »
  • Светлана Ганнушкина: «Иҳота намудан, хориҷ кардан, латукӯб намудан, парвандаҳои ҷиноии бофташуда»

Светлана Ганнушкина: «Иҳота намудан, хориҷ кардан, латукӯб намудан, парвандаҳои ҷиноии бофташуда»

Раиси кумитаи «Мусоидати шаҳрвандӣ» ва ҳимоятгари ҳуқуқи машҳур Светлана Ганнушкина дар мусоҳиба оиди вазъияти муҳоҷирони меҳнатӣ аз Осиёи Миёна дар Русия ва таъсири охирин ҳодисаҳо нисбати онҳо дар кишвар рӯйдода ба «CAAN» хабар доданд.

Муҳоҷирони меҳнатӣ ба радикализатсия гирифтор намешаванд — мегӯяд ҳимоятгари ҳуқуқ. «Ман бо радикализатсияи муҳоҷирони меҳнатӣ рӯ ба рӯ нашудаам, танҳо зиёдшавии тарси онҳо аз полис, аз миллатгароён ё аз аҳолӣ ва инчунин вазъияти бади муҳоҷиронро дар Русия мушоҳида намудаам», мегӯяд ӯ.

Инчунин Светлана Ганнушкина оиди амалиёти террористӣ, ки дар Санкт Петербург шуда гузашт ва аз паси ин ҳодиса пайдо шудани бадбинӣ нисбати муҳоҷирони меҳнатӣ аз Осиёи Миёна шарҳ додааст: «Ба ақидаи ман ҳоло далели аниқ пайдо нагардидааст, баръакс сабабҳое мавҷуданд, ки ба қалбакӣ будани он гумон аст». «Ба таври мунтазам иҳота намудан, бо вуҷуди ҳуҷҷатҳои лозима будан аз тарафи додгоҳ хориҷ кардани муҳоҷирон, латукӯб намудан, парвандаҳои ҷиноӣ бофтан — хусусан бо айбдоркунӣ дар экстремизм, бо роҳи қалбакӣ  ниҳодани маводи нашъамандӣ ва силоҳ», ҳамаи ин пурзӯршавии фишор нисбати муҳоҷирони меҳнатӣ аз тарафи ҳукуматдорон карда мешавад, пешгӯӣ мекунад ҳимоятгари ҳуқуқ.