• Home »
  • Habarho »
  • Қилиқи навбатии раисҷумҳури Туркманистон

Қилиқи навбатии раисҷумҳури Туркманистон

Дар арафаи кушодашавии ҷоми ҷаҳонӣ оид ба вазнбардорӣ ки аз санаи 28-уми октябр то 10-уми ноябр дар пойтахти Туркманистон баргузор мегардад, раисҷумҳури кишвар Қурбонгули Бердимуҳамадов дар атрофи мансабдорони қарсакзани худ дар пахши мустақим ба аҳолии кишвар маҳорати вазнбардории худро намоиш дод. Махсус барои ин каргаси вазна аз тилло рехта шудааст. Пахши навор аз телевизиони давлатӣ «Altyn Asyr» намоиш дода шуд. Тибқи ҳисоботи муовини сарвазир П. Оғомурадов дар мусобиқаи мазкур беш аз сад кишварҳои ҷаҳон, аз ҷумла кишварҳои Африқо, Аврупо, Осиё, кишварҳои Амрико ва Уқёнус иштирок меварзанд. Дар маҷмӯъ аз хориҷа 800 нафар варзишгарон, 300 нафар мураббиён, 45 нафар доварон ва духтурон, 70 нафар намояндагони ВАО ва сад нафар кормандони Федератсияи байналмилалӣ оид ба вазнбардорӣ, ҳамагӣ омадани 1500 нафар дар назар дошта мешавад. Дар мусобиқаи мазкур ҳамагӣ 201 медал: 67 медали тилло, 67 медали нуқра, 67 медали биринҷӣ навохта мешавад. Ба ақидаи роҳбарияти Туркманистон ки санаи 26-уми октябр дар маҷлиси ҳукумат гуфта шуд, кишварамон ба ҷое табдил меёбад, ки бозиҳои бузурги варзишӣ гузаронида мешавад, ин аз он далолат мекунад, ки «самти сиёсати пешгирифтаи раисҷумҳур бомуваффақият мебошад».

Дар баробари ин тайи соли охир аҳолии кишвар фурӯравии сиёсати иқтисодии режимро дар болоравии нархи маҳсулотҳои озуқавории зарурӣ хеле хуб ҳис мекунанд. Норасоии орд ва маҳсулотҳои ордӣ, имтиёзҳо ба газ, қувваи барқ ва об бекор карда шудааст. Дар хусуси шиканҷадиҳии на танҳо арбобони динии мустақил, балки сокини риоякунандаи дини худ то ҷое расидааст, ки чунин шахсҳоро режим ҳатто бартараф месозад.