• Home »
  • Habarho »
  • Ҳаҷми интиқоли маблағҳои муҳоҷирони меҳнатӣ ба якчанд маротиба коҳиш ёфтааст

Ҳаҷми интиқоли маблағҳои муҳоҷирони меҳнатӣ ба якчанд маротиба коҳиш ёфтааст

Чи тавре ки радиои Озодӣ менависад, ба гуфтаи раиси Бонки миллии Тоҷикистон Ҷамшед Нурмуҳаммадзода ихтисоршавии интиқоли маблағҳои муҳоҷирони тоҷик аз Русия ба маблағгузории якчанд соҳаҳои иқтисодӣ таъсири ҷиддӣ гузошт.

«Бо сабаби бӯҳрони иқтисодӣ омадани маблағҳо аз хориҷа ба иқтисодиёти Тоҷикистон коҳиш ёфт ва ин ба фаъолияти бонкҳо таъсир расонд. Ихтисоршавии ҳаҷми интиқоли маблағҳои муҳоҷирони меҳнатӣ низ таъсири манфӣ гузошт,» иброз намуд Нурмуҳаммадзода дар муҳокимаи Маҷлиси Миллӣ палатаи болоии парлумони Тоҷикистон.

Ба ақидаи мутахассисон иқтисодиёти Тоҷикистон бо пуррагӣ ба ҳаҷми интиқоли маблағҳои муҳоҷирони меҳнатӣ тобеъ мебошад.

Бинобар иттилои иқтисодчиён, Бонки марказии ФР дар аввали сол иттило дода буд, ки бинобар натиҷаҳои соли 2017 ҳаҷми интиқоли маблағҳо аз Русия ба Тоҷикистон назар ба соли 2016 зиёда аз  $600 млн доллар афзоиш ёфта, 2 млрд 536 млн долларро ташкил намуд. Тибқи иттилои коршиносон ин ба 37%-и ММД соли гузаштаи Тоҷикистонро ташкил медиҳад.

Дар навбати худ, режими Тоҷикистон сарф намудани маблағҳои гӯшношунидро барои сохтмони биноҳои парлумони нав идома медиҳад, ки нархи он ба $200 млн доллар баробар мебошад. Гарчанде, ки он аз ҷониби Хитоӣ маблағгузорӣ карда шавад ҳам, рӯзе меояд ва кишвар қарзҳои аз Хитоӣ гирифтаашро бо зиёдааш пардохт хоҳад кард.