• Home »
  • Habarho »
  • Ӯзбекистон: аз ҷойҳои маҳрумият аз озодӣ киҳо ба озодӣ мебароянд

Ӯзбекистон: аз ҷойҳои маҳрумият аз озодӣ киҳо ба озодӣ мебароянд

Аз 1-уми ноябри соли 2018 шурӯъ карда дар Ӯзбекистон иштирокчиёни гурӯҳҳои ба ном «террористӣ ва экстремистӣ» метавонанд аз ҷавобгарии ҷиноӣ озод шаванд. Оиди имзо намудани қарори мазкури раисҷумҳур Шавкат Мирзиёев 19-уми сентябри соли 2018 эълон гардид. Қарори мазкур баъзе шартҳоеро барои дида баромадани дархостҳои шаҳрвандоне, ки бо ҷурми «терроризм ва экстремизм» маҳкум гардиданд пеш мегузорад. Дар санад аз ҷумла гуфта шудааст: «Ҳуқуқи аз ҷавобгарии ҷиноӣ озод шудан он шаҳрвандон соҳиб ҳастанд, ки ба хатои худ иқрор шуданд, ба кирдорашон пушаймон ҳастанд ва ба роҳи ислоҳшавӣ қадам гузоштанд. Инчунин, дархосткунанда набояд иштирокчи ва ё аъзои гурӯҳ ва ё ҳаракате барои ба мақсад расидан ақидаи бо роҳи зӯроварӣ дошта бошад.

Ғайр аз ин, шахсоне, ки ба ин ё он ҳаракат ва ё гурӯҳ қасдан шомил шаванд, ки дар Ӯзбекистон ҳамчун «террористӣ» ё ин ки «экстремистӣ» эътироф гардидааст, инчунин худро ҳамчун яке аз фаъолони ҳаракатҳои гуногун, ҳизбҳо, гурӯҳҳо эътироф намояд аз ҷавобгарии ҷиноӣ озод нахоҳад шуд». Барои дида баромадани дархостҳои шаҳрвандон ва дараҷаи пушаймонӣ ва ислоҳшавии онҳо тибқи қарори мазкур комиссияи махсус ташкил карда мешавад.

Ҳимоятгарони ҳуқуқ қайд мекунанд, ки дар қарори мазкур ба маҳкумшудагон ва айбдор дониста шудагоне, ки барои дин аз озодӣ маҳруманд навигари нест. Комиссия оиди дида баромадани парвандаҳои барои дин маҳкумшудагон ва озод намудани онҳо пас аз адои мӯҳлат пештар низ вуҷуд дошт. Комиссияи мазкур низ дараҷаи пушаймонӣ ва ислоҳшавии маҳкумшудагонро муқаррар менамуд. Айнан бо тавсияи комиссияи мазкур ба ҳазорҳо маҳкумшудагон дар Ӯзбекистон тӯли 15 сол аст, ки бо парвандаҳои бофташуда мӯҳлати адои ҷазо зиёд карда мешавад, бо ибораи дигар гӯем «аз нав парвандаи ҷиноӣ оғоз» карда мешавад.