• Home »
  • Habarho »
  • Афғонистон — полигони Амрико барои гузаронидани озмоиш

Афғонистон — полигони Амрико барои гузаронидани озмоиш

Низомиёни амрикоӣ аз болои мардуми Афғонистон озмоиши навбатии ҳавопаймои қиркунандаи F35 B насли 5 ро гузарониданд. Чи тавре ки CNN ба Вазорати мудофиаи ИМА такя намуда иттилоъ медиҳад, ҳавопаймои қиркунанда F35 B якумин бор дар таърих дар шароити ҷангӣ зарбаҳои худро расонид.

Тибқи иттилои шабака ҳавопаймоҳои амрикоӣ дар Афғонистон ба нишонҳои ҳаракати «Толибон» дар муддати 24 соат ҳуҷум намудааст. Ҳавопаймои F35 B барои Корпуси қӯшунҳои ҳарбии ИМА коркард карда шуда, барои парвозу тавоққуф ба киштиҳои десантии намуди Essex мувофиқ гардонида шудааст.

Мутахассисон қайд мекунанд, ки дар тӯли 30 соли охир мардуми Афғонистон ба полигони инсонии ҳақиқӣ табдил ёфтааст, ки ҳар як давлат аз Иттиҳоди Шӯравӣ шурӯъ карда то давлатҳои Ғарб барои санҷиши силоҳҳои нави худ мардуми Афғонистонро ҳадафи худ қарор медиҳанд. Ёдрас мекунем, ки соли 2017 Амрико аз ҳама калонтарин бомба бо номи «Модари бомбаҳо» дар таърихи башарият якумин маротиба ба Афғонистон партофт, ки ҳаҷми он ба 8400 кило баробар мебошад.