• Home »
  • Habarho »
  • Бердимуҳаммедов аз пайи Раҳмон меравад

Бердимуҳаммедов аз пайи Раҳмон меравад

Бинобар иттилои «Хроника Туркменистана» раисҷумҳури Туркманистон Қурбонгули Бердимуҳаммедов писарашро ба мансаби ҳокими вилояти Ахал таъйин намуд.

Бо сабаби таъйиншавӣ ба мансаби нав Бердимуҳаммедов аз мансаби муовини Вазири умури хориҷии Туркманистон озод карда шуд.

Писари раисҷумҳур дар як вақт мансаби вакили миллатро низ иҷро менамояд.

Бояд қайд намуд, ки имконияти дар мансабҳои гуногун кор кардан барои зиёд намудани таҷриба мунтазам ба фарзандони диктаторон дода мешавад, то ин ки пас аз худ дар сари қудрат боқӣ бимонанд. Мутаассифона дар кишварҳои Осиёи Марказӣ дар режимҳои кунунӣ чунин таҷриба васеъ паҳн шудааст. Ёдрас мекунем, ки Бердимуҳамедов ягона диктаторе нест, ки дар минтақа пас аз худ ҳокимиятро ба писараш ворис мегузорад. Раисҷумҳури Тоҷикистон Раҳмон низ писараш Рустами Эмомалиро ба мансабҳои гуногун таъйин намуда барои ба сари қудрат омадан тайёр менамояд.