Дар Русия аз тарафи хадамотҳои махсуси тоҷик шаҳрвандони Тоҷикистон рабуда мешаванд
Чи тавре ки ОИ «Настоящее Время» аз санаи 17 июл иттилоъ медиҳад, шаҳрванди Тоҷикистон дар шаҳри Маскав аз тарафи хадамоти махсуси тоҷик рабуда шуд.
Шаҳрванди Тоҷикистон Абдушукур Ҳакимов якчанд рӯз қабл дар шаҳри Маскав бо ҳамроҳи оилааш зиндагӣ мекард, бедарак шуд.
«Шавҳарам субҳи рӯз ба ҷои кораш рафт ва ногаҳон соати 6 бегоҳ аз рақами кӯҳнааш ба ман паёмак омад, ки ӯ рабуда шуд» — мегӯяд ҳамсари Абдушукур, Ҳоҷархон Махтихонова.
Аз паёмак аён гардид, ки рабояндагон ӯро ба фурудгоҳи «Домодедово» бурда истодаанд. Дар замони расида омадани Ҳоҷархон ба фурудгоҳ, Абдушукур аллакай дар минтақаи сарҳадӣ қарор дошт ва вохӯрӣ ба вуқӯъ пайваст нагардид. Пас аз он рӯз Абдушукур дигар бо наздиконаш ба тамос набаромад, танҳо пас аз якчанд рӯз ӯ дар маҳдудгоҳи тафтишотии шаҳри Хуҷанди Ҷумҳурии Тоҷикистон ёфт гардид.
Наздикони Ҳакимов гумон доранд, ки ҷавонро аз шаҳри Маскав хадамоти махсуси Тоҷикистон бо тариқи хавопаймо рабудаанд ва ба ватан фиристоданд. Наздикони Ҳакимов хабар доданд, ки ба Абдушукур аз Тоҷикистон кормандони мақомоти ҳифзи ҳуқуқ мунтазам занг мезаданд ва маломат мекарданд, ки номбурда дар кишварҳои Туркия Миср рафта буда, талаб менамуданд, ки ба ватан баргардад. Инчунин, ба манзилгоҳи волидайни Ҳакимов низ мунтазам омада талаб менамуданд, ки писарашон ба ватан баргардад. Пас аз зангҳо ва мунтазам омада рафтани кормандони мақомоти ҳифзи ҳуқуқ Абдушукур аз амнияти худ тарсида қарор намуд, ки ба Тоҷикистон наравад, вале дар Русия ӯ аз ҳеҷ кас пинҳон намешуд. Абдушукур 5 кӯдакро нигоҳубин мекард: 3 тоаш аз они худ ва 2 тои дигар аз они хоҳараш мебошад.
Ҳимоятгарони ҳуқуқ қайд менамоянд, ки муносибатҳои ҳамкории наздики хадамотҳои Тоҷикистону Русия метавонад ҳаёти ҳар як шаҳрванди ба режими кунунӣ носозро ба хатар гузорад.
«Дар мо рабудани сокинони Осиёи Марказӣ, асосан шаҳрвандони Тоҷикистону Ӯзбекистон мунтазам мушоҳида карда мешавад. Ман медонам, ки тӯли солҳои охир ҳолатҳои мазкур 20 маротиба ба вуқӯъ пайвастааст. Чаро онҳо амалиёти мазкурро бо роҳи зуд мехоҳанд ҳал бикунанд? Барои он ки додгоҳи Аврупоӣ оид ба ҳуқуқи инсон муҳоҷирони мазкурро ки Русия онҳоро ба кишварҳои дархостнамуда фиристода истодааст эҳтимол аст, ки ба тазйиқҳо дучор гарданд пуштибонӣ мекунад», мегӯяд раиси кумитаи «Ҳамкориҳои шаҳрвандӣ» Светлана Ганнушкина.
