• Home »
  • Habarho »
  • Дар Санкт-Петербург муҳоҷири меҳнатӣ аз Тоҷикистон кушта шуд

Дар Санкт-Петербург муҳоҷири меҳнатӣ аз Тоҷикистон кушта шуд

Чи тавре ки нашрияи интернетӣ AsiaTimes ба манбаъ дар хадамоти ҳифзи ҳуқуқ такя намуда иттило медиҳад санаи 31-уми декабр дар Санкт-Петербург назди ҷодаи Ропшинскиӣ ҷасади шаҳрванди Тоҷикистон бо пайҳои марги зӯроварӣ ёфт гардид.

Тибқи маълумоти тафтишот ҷасади марди 48 солаи шаҳрванди Тоҷикистон дар наздикии фабрикаи мебел барорӣ дар ноҳияи Петродвор ёфт гардид. Айни замон дар ҷое, ки ҳодиса рух додааст оиди аниқ намудани ҳолати ҳодиса корҳои фаврӣ-ҷустуҷӯӣ бурда мешавад.

Қайд намудан зарур аст, ки миллионҳо шаҳрвандони кишварҳои Осиёи Марказӣ маҷбуранд, ки солҳои тӯлонӣ дар муҳоҷирати меҳнатӣ дар қаламрави Русия, маҳрум аз ҳамаи намуди ҳуқуқ ва маҳкум ба тамасхурӣ аз тарафи мансабдорон ва кормандони хадамотҳои қудратӣ гузаронанд.  Бидуни ҳуқуқ будани муҳоҷирони меҳнатӣ дар Русия мунтазам сабаби ба қурбониҳои таҷовуз ҳатто аз тарафи шаҳрвандони Русия гирифтор мешаванд, ки бидуни ҷазо мондани худ дилпур мебошанд. Ҳокимони кишварҳои Осиёи Марказӣ чун одатан пас аз ҳар як куштор хомӯширо интихоб менамоянд. Дар айни замон бошад, тобутҳои руҳини муҳоҷирони меҳнатӣ ба ватан ирсол карда мешаванд.