• Home »
  • Habarho »
  • Дар Тоҷикистон намоиши филми ҳунарӣ дар бораи Раҳмон баргузор гардид

Дар Тоҷикистон намоиши филми ҳунарӣ дар бораи Раҳмон баргузор гардид

Дар Тоҷикистон гумроҳ сохтани зеҳнҳои ҷавонони наврас идома дорад. Ҳамин тавр, санаи 19-уми декабр дар қаламрави Тоҷикистон филми ҳунарии «Марди роҳ» дар бораи Раҳмон намоиш дода шуд.

Намоиши филми мазкур бо ташаббуси Кумитаи оид ба корҳои ҷавонон ва варзиши Тоҷикистон ва шабакаи давлатии «ТВ Сафина» пешкаш карда шудааст. Тамошокунии оммавӣ филми мазкур дар ҳамаи шаҳру ноҳияҳои кишвар бо ҷалби зиёиён, донишҷӯён ва хонандагони мактабҳои миёна дар назар дошта шудааст.

Як қисми тамошобинон ҳатто намедонистанд, ки ба тамошои филм дар хусуси Раҳмон омадаанд. Аксарияти тамошобинони ночор дар ҳамсӯҳбат бо хабарнигорон нақл намуданд, ки «онҳоро барои тамошои филми номаълум фиристоданд».

Дар муҳосиба бо хабарнигори шабакаи «Настоящее Время» доктори илмҳои ҳуқуқ Шокирҷон Ҳакимов изҳор намуд: «Режимҳои ҳукмраво дар системаи тоталитарӣ унсурҳои гуногуни гумроҳ сохтани зеҳнҳоро ба кор медароранд ва кӯшиш мекунанд, ки бо мадҳкунии шахсият ба парастиши сардори кишвар машғул бошанд».

Ёдрас мекунем, ки таблиғоти мадҳкунии шахсияти Раҳмон имрӯз ба яке аз қисми муҳими сиёсати дохилии режим табдил ёфтааст. Бинобар ин, китобҳо дар хусуси Раҳмон, вохӯриҳои бодабдаба ва мадҳияҳо аз тарафи мансабдорон дар Тоҷикистон як кори одатӣ шудааст, ки касеро ба ҳайрат намегузорад.