• Home »
  • Habarho »
  • Даъватшаванда набошад, қувваи барқ ҳам нест

Даъватшаванда набошад, қувваи барқ ҳам нест

Даъватшаванда набошад, қувваи барқ ҳам нестАз 1-уми октябр дар Тоҷикистон даъвати тирамоҳии хизмати ҳарбӣ дар сафи қувваҳои мусаллаҳи кишвар шурӯъ гардид. Айнан ҳамин давра барои ҷавонон ва оилаи онҳо вақти безобитагӣ буд ва мемонад. Қисми зиёди ҷавонон бинобар воқеъ доштани муносибати бетартибӣ дар хизмати ҳарбӣ намехоҳанд дар қӯшунҳои мусаллаҳи кишвар хизмат кунанд. Ин дар навбати худ кори комиссариати ҳарбиро барои иҷрои вазифаҳои худ оиди ба итмом расонидани нақшаи аз боло амр шударо дучанд мегардонад. Вале, ҳукумат барои ба итмом расондани нақшаи даъватшавандагони хизмати ҳарбӣ ҳамеша чораҳои иловагӣ дошт. Тӯли даҳ сол аст, ки ҳукумат барои талаботи иҷрои нақшаи даъватшавандагон ба хизмати ҳарбӣ ҷавононро аз бозорҳо, кӯчаҳо ва ноҳияҳои кишвар муҳосира менамуд. Аз рӯи шикоятҳои волидайн ва якчанд ҳодисаҳои нохуш ҳукумат қарор намуд, ки аз гузаронидани чунин муҳосиракунӣ даст кашад. Вале, муаммои иҷро намудани нақшаи даъватшавандагон боқӣ мондааст. Акнун ҳукумати маҳаллии ноҳияи Лахш дар шарқи Тоҷикистон оиди муаммои зерин ҳалли махсус эҷод намудаанд.

Тибқи иттилои радиои Озодӣ, бо сабаби иҷро нашудани нақшаи даъватшудагон ба хизмати ҳарбӣ ба якчанд деҳаҳои ноҳияи Лахш қувваи барқро хомӯш карданд.

«Тӯли даҳ рӯз моро аз қувваи барқ маҳрум сохтанд. Дар ҳукумати ноҳия ба мо гуфтанд: то ин ки як даъватшударо ба хизмати ҳарбӣ рои накунед, қувваи барқ дода намешавад», гуфт ба радиои Озодӣ сокини деҳаи Қӯшоғба ки нахост номаш зикр гардад.

Ба гуфтаи ӯ, чунин ҳолат дар деҳаҳои Майдонтерак ва Оқсой низ рух додааст, ки дар он ҷо ҷавонони даъватшудаи хизмати ҳарбӣ ёфт нагардидааст.

Дар муассисаи қувваи барқи ноҳиявӣ тасдиқ намуданд, ки бинобар фармони махсуси раиси ҳукумати Лахш дар деҳаи Қӯшоғба қувваи барқ хомӯш карда шуд.

«Сокинони деҳаи мазкур дар гузашта низ фарзандони худро ба хизмати ҳарбӣ ирсол намекарданд. Чунин муомила ба ҳукумати ноҳия хуш наомад. Аз дигар ҷиҳат гирем, раиси ноҳия намояндаи президент мебошад ва мо бояд ба ӯ итоат намоем», мегӯяд корманди Стансияи қувваи барқи ноҳия.