• Home »
  • Habarho »
  • Дар Тоҷикистон сатҳи ҷинояткорӣ афзоиш ёфта истодааст

Дар Тоҷикистон сатҳи ҷинояткорӣ афзоиш ёфта истодааст

Дар Тоҷикистон сатҳи ҷинояткорӣ афзоиш ёфта истодаастЧи тавре ки ОИ «Азия-Плюс» менависад, дар маҷлиси бахшида ба рӯзи милиса ки санаи 10-уми ноябр таҷлил гардид Эмомалӣ Раҳмон дар баромади худ тасдиқ намуд, ки тӯли даҳ соли охир сатҳи ҷинояткорӣ дар кишвар ба якуним баробар афзоиш ёфтааст.

Раҳмон қайд намуд, ки тибқи иттилои омор тӯли даҳ соли охир дар кишвар шумораи ҷиноятҳо афзоиш ёфтааст.

«Масалан, агар дар соли 2008 дар кишвар камубеш 12 ҳазор ҷиноят содир шуда бошад, дар соли 2017 нишондоди мазкур ба 22 ҳазор расид. Танҳо дар 9 моҳи соли ҷорӣ 17,5 ҳазор ҷиноят ба қайд гирифта шудааст. Яъне, дар тӯли даҳ соли охир шумораи ҷиноятҳои ба қайд гирифта шуда қариб ду баробар афзоиш ёфтааст», қайд намуд Раҳмон.

Инчунин ӯ иброз намуд, ки шумораи ҷиноятҳои вазнин ва ғоратгарӣ, ҷиноятҳои бо истифода аз силоҳ, ғайриқонунӣ нигоҳдоштани силоҳ, вайрон кардани қоидаҳои роҳ ва дигар намуди ҷиноятҳо тақрибан ду баробар афзоиш ёфтааст.

Мушоҳидон қайд мекунанд, ки марҳилаи даҳ солаи афзоиши сатҳи ҷинояткорӣ бо давраи ҳаракати фаъоли режим, ки ба боздоштани ҷомеа аз бедории исломӣ нигаронида шуда буд рост меояд. Чораандешиҳои режим дар решаканкунии ҳамаи намуди зуҳуроти риоя намудани дини Ислом ва қадриятҳои он намоён аст. Ҳамин тавр, афзоиши сатҳи ҷинояткорӣ ин натиҷаи сиёсати кунунии режим мебошад.