• Home »
  • Habarho »
  • Дар Тоҷикистон сензура ба қуллаи гӯшношуниди таърихӣ расид

Дар Тоҷикистон сензура ба қуллаи гӯшношуниди таърихӣ расид

Дар Тоҷикистон сензура ба қуллаи гӯшношуниди таърихӣ расидЧи тавре ки «Азия-Плюс» ба тадқиқоти ташкилоти IWPR такя намуда менависад, ВАО Тоҷикистон ҳамчун «ҳукумати чорум» нақши худро дар ҷомеа гум кардааст, хабарнигорон бошад аз изҳор намудани муаммоҳои муҳим канораҷӯӣ менамоянд. Тибқи натиҷаҳои тадқиқот (респондентҳо) иброз намуданд, ки ба ақидаи онҳо хабарнигорон дар Тоҷикистон барои ҳалли муаммоҳои иҷтимоӣ, иқтисодӣ ва сиёсӣ нақши муҳимро иҷро намекунанд. Зеро давлат ба нашрияҳои онҳо аҳамият намедиҳад ва ба суолҳояшон посух намедиҳад.

«Назар ба солҳои гузашта воқеъият тағйир ёфтааст. Дар гузашта сухани хабарнигор ҳамчун ҳалкунанда ба ҳисоб мерафт. Ба ғайр аз он, ки давлат ба онҳо аҳамият намедиҳад, омилҳои дигаре низ мавҷуданд ба монанди норасоии хабарнигорони бо ихтисос, аз изҳор намудани муаммоҳои муҳим канораҷӯӣ кардан», қайд намуданд респондентҳо.
«Мо кӯшиш аз он дорем, ки муаммоҳоро босамар баён намоем, вале, чи тавре ки мехоҳем наметавонем баён кунем… Агар имконият бошад баён хоҳем кард. Айни замон вазъият хуб нест, бинобар ин хуб аст, ки аввал дар хусуси амнияти хеш андеша кард. Баъзе ҳолатҳоро бинобар доштани аснои сиёсӣ набояд изҳор кард», гуфтанд хабарнигорони тоҷик дар замони гузарондани тадқиқот.

Дар навбати худ, хабарнигорони «Хабарҳо» низ қайд намуданд, ки дар ҳақиқат онҳо аз тарафи ҳукумат хавфи ҷиддиро ҳис мекунанд. Бинобар ин фаъолияти журналистии худро ниҳонӣ иҷро менамоянд.