• Home »
  • Habarho »
  • Дар зиндонҳои Русия беш аз 20 ҳазор нафар шаҳрвандони кишварҳои Осиёи Марказӣ қарор доранд

Дар зиндонҳои Русия беш аз 20 ҳазор нафар шаҳрвандони кишварҳои Осиёи Марказӣ қарор доранд

Бинобар иттилои Хадамоти Федеролии Иҷроиши Ҷазои (ХФИҶ) ФР дар системаи пенитенсиарӣ айни замон 27 780 хориҷиён адои ҷазо менамоянд. Аксарияти онҳо шаҳрвандони Тоҷикистон, Ӯзбекистон, Озарбойҷон ва Қирғизистон мебошанд, иттилоъ медиҳад шабакаи 360tv.ru

Хабарнигори «Хабарҳо» бо наздикон ва хешовандони дар Русия аз озодӣ маҳрум шудагоне, ки шаҳрвандони Тоҷикистон ва Ӯзбекистон мебошанд ҳамсӯҳбат шуд. Дар рафти сӯҳбат бо якчанд оилаҳо маълум шуд, ки аксарияти осиёгиҳое, ки дар ҷойҳои маҳрумият аз озодӣ қарор доранд бо парвандаҳои бофташудаи қонунгузории зиддитеррорӣ маҳкум шудаанд.

Ёдрас мекунем, ки каме пеш котиби Шӯрои Амнияти Русия Николай Патрушев муҳоҷирони меҳнатӣ аз Осиёи Миёнаро дар паҳншавии терроризм дар Сибир муттаҳам намуда буд. Дар он замон ӯ иброз намуда буд: «Эҳтимоли зиёде ҳаст, ки ба минтақаҳои Сибир намояндагони ташкилотҳои байналмилалии террористӣ дохил шаванд», ӯ яке аз сабабҳои зиёдшавии гӯён «таҳдидҳои террористӣ» — ро босуръат афзоиш ёбии муҳоҷирати меҳнатӣ аз Осиёи Марказӣ номид.