ФСБ-и Русия бо дархости хадамоти махсуси Раҳмон шаҳрвандони Тоҷикистонро дастгир мекунад
Чи тавре ки ОИ «ТАСС» ба шӯъбаи ноҳиявии ФСБ такя намуда иттилоъ медиҳад, дар вилояти Смоленски ФР бо айби бофташуда, иштирок намудан дар фаъолияти террористӣ шаҳрванди Тоҷикистон дастгир карда шуд.
«Дар чорчӯбаи гузаронидани корҳои ҷустуҷӯи шахсони ба фаъолияти террористӣ алоқаманд, аз он ҷумла иштирокчиёни ташкилотҳои терроризми байналмилалӣ аз ҷониби Шӯъбаи ФСБ-и вилояти Смоленски ФР шаҳрванди ҷумҳурии Точикистон соли таваллудаш 1972, ки дар вилояти Смоленск аз таъқиби ҷиноӣ бо ҷурми алоқаманди ба терроризм пинҳон буда, ки дар қаламрави Тоҷикистон дар ҷустуҷӯ қарор дошт дастгир гардид. Бо мақсади роҳ надодани фаъолияти террористӣ дар қаламрави Русия ва аз рӯи бехатарӣ иҷозати истиқоматии дастгиршуда аз ҷониби хадамоти амният бекор карда шуд», иброз намудаанд дар шӯъбаи минтақавии ФСБ.
«Шаҳрванди Тоҷикистон ба ватанаш боздод карда шуд. Пас аз ба Тоҷикистон ворид шудан аз ҷониби хадамотҳои ҳифзи ҳуқуқи ҷумҳурӣ ӯ дастгир карда шуд», иттилоъ доданд дар шӯъбаи минтақавии ФСБ.
Ёдрас мекунем, ки хадамоти махсуси Русия якҷоя бо хадамоти махсуси Тоҷикистон солҳои дароз аст, ки шаҳрвандони Тоҷикистони дар Русия истиқоматкунандаро, ки ба режими кунунӣ носоз ҳастанд таъқиб менамоянд. Масалан, санаи 10-уми август ба таҳририяти «Хабарҳо» бо шарти ниҳонӣ бародари айнии шаҳрванди Тоҷикистон муроҷиат намуда хабар дод, ки бародарашро бо талаби хадамоти махсуси Тоҷикистон дар яке аз гузаргоҳи сарҳадии Русия дастгир намуданд. Тибқи гуфтаҳои бародараш, дастгиршуда солҳои охир дар таъмирхонаи нақлиётҳои шаҳри Маскав кору фаъолият мекард ва дар замони баромада рафтан аз Русия маълум шуд, ки ӯ дар ҷустуҷӯ қарор дорад.
