Муҳоҷирони меҳнатӣ буҷаи Русияро ба 29 млрд пур намуданд
Сардори Сарраёсати оиди масъалаҳои муҳоҷиратии ВКД Русия Олга Кириллова дар мусоҳиба бо хабарнигори ТАСС оиди пурзӯршавии қоидаҳои назорати воридшавии муҳоҷирони меҳнатӣ ба қаламрави Русия иброз намуд.
Ба суоли «оё гузаштани дактилоскопия ба ҳамаи хориҷиёни ба Русия воридшудагон ҳатмист?» Олга Кириллова чунин посух дод: «Айни замон ВКД якҷоя бо хадамоти федеролии иҷроиши ҳокимият масъалаи дар ояндаи наздик такмилдиҳии қонун оиди гузаштани дактилоскопияи ҳатмӣ ба шаҳрвандони хориҷӣ ва шахсоне, ки бидуни шаҳрвандиянд матраҳ шуда истодааст. Мо якчанд механизми ба амал даровардани кори мазкурро бо назардошти таҷрибаи ватанӣ ва байналхалқиро матраҳ намуда истодаем. Ин ҳам бошад гузаштани дактилоскопия дар нуқтаҳои гузаргоҳи марзи давлатии Федератсияи Русия ё ин ки бевосита дар қаламрави кишвар пас аз вуруди шаҳрванди хориҷӣ гузаронида мешавад». Инчунин дар рафти мусоҳиба ӯ гуфт: «Аз саршавии соли ҷорӣ ба шаҳрвандони хориҷӣ 960,6 ҳазор варақаҳои патент дода шуд, ин ба 6% зиёд назар ба соли гузашта мебошад. Ҳаҷми воридот аз фурӯши патент ба шаш моҳи соли ҷорӣ 29 млрд рубли русиро ташкил намуд, ки нишондоди мазкур 23% зиёд гардидааст.
