• Home »
  • Habarho »
  • Сабаби афзоиши шумораи беморони ВНМО дар Тоҷикистон

Сабаби афзоиши шумораи беморони ВНМО дар Тоҷикистон

Дар давоми солҳои истиқлолият шумораи беморони ВНМО дар Тоҷикистон зиёда аз 9 ҳазор нафар ба қайд гирифта шудааст, бо вуҷуди ин чи тавре ки мутахассисон иттило медиҳанд шумораи мазкур афзоиш ёфта истодааст. Соли 2017 дар кишвар тибқи омори расмӣ 1207 ҳодисаи сирояти ВНМО ошкор гардид. Аз моҳи январ то моҳи марти соли 2018 бошад 321 ҳолати нави сирояти ВНМО ошкор гардидааст. Ғайр аз ин, шумораи шахсоне, ки дигаронро бо роҳи алоқаи ҷинси қасдан ба сирояти ВНМО гирифтор менамоянд афзоиш ёфта истодааст. Масалан, чи тавре ки ВКД Тоҷикистон каме пештар иттилоъ дода буд, аз тарафи онҳо шаҳрванди 31 солаи Тоҷикистон дастгир шудааст, ки сокини 30 солаи маҳаллиро қасдан гирифтори сирояти ВНМО намудааст. Ҳолати ҳаммонанд тобистони имсол ба вуқуъ пайвастааст, ки сокини маҳаллӣ 10 мардро қасдан гирифтори сирояти ВНМО намудааст. Инчунин ёдрас бояд кард, ки дар Тоҷикистон тӯли 26 сол зиёда аз 2000 нафар бо сирояти ВНМО фавтидаанд, чунин маълумотҳоро маркази ҷумҳуриявии ВНМО пешниҳод менамояд.

Мутахассис оид ба муҳофизати маданият ва қадриятҳои исломӣ Муҳаммад Абдуллозода мегӯяд, ки вазъият дар ҳолати хатарнок қарор дорад ва қисми бештари айб бар ӯҳдаи ҳукумати худкома мебошад. «Паҳн шудани сирояти вируси норасоии масунияти одам (ВИЧ) дар ҷомеаи Тоҷикистон ин натиҷаи сиёсати ҳукумати кунунӣ мебошад, ки бо баҳонаи мубориза алайҳи терроризму экстремизм ба нест кардани маданияти ислом ва кадриятҳои мардуми тоҷики якчанд асра, шуруъ намудааст. Илова бар ин маданияти фасоди аҷнабии Ғарбро фаъолона паҳн менамоянд, ки оқибат дар ҷомеа ахлоқ гум шуда истодааст.», гуфт дар тамоси телефонӣ Абдуллозода.