Русия: шаҳрванди тоҷикро барои намоз ҷарима ва депортатсия карданд
Як шаҳрванди тоҷик барои анҷом додани намоз дар ҳуҷраи хобгоҳ дар шаҳри Тула ҷарима ва аз Русия хориҷ карда шуд. Додгоҳ мардро ба миқдори 30 ҳазор рубл ҷарима кард ва қарор кард, ки ӯро депортатсия кунад.
Ба гуфтаи додгоҳ, дар утоқи шаҳрванди тоҷик то 15 нафар ашхос барои намозгузорӣ ҷамъ меомаданд, инчунин дар ҳуҷра адабиёти мусулмонӣ ёфт гардид.
Додгоҳ инро аломати фаъолияти ғайриқонунии динӣ ҳисобид, хабар медиҳад MK.ру Тула.
Дар ҳуҷраи сокини 27-солаи Тоҷикистон ки намозро ташкил мекард, тиреза бо матои сафед пӯшонида мешуд ва дар болои тиреза соате буд, то ин ки бо он ҳамеша вақти аниқ муайян карда шавад.
Дар кунҷҳои ҳуҷра рафҳо бо китобҳо ва дар замин як дорандаи китоб ва қолинакҳои намозӣ ҳастанд.
Кормандони ҳифзи ҳуқуқ тақрибан 10 китоб ва рисолаҳои мухталиферо, ки дорои оятҳо ва сураҳои Қуръон мебошанд, мусодира кардаанд.
