• Home »
  • Habarho »
  • Дар қароргоҳи махсуси рус муҳоҷирони меҳнатӣ гуруснанишинӣ эълон намуданд

Дар қароргоҳи махсуси рус муҳоҷирони меҳнатӣ гуруснанишинӣ эълон намуданд

Муҳоҷирони меҳнатии аз Осиёи Миёна, ки дар қароргоҳи марказии муваққати хориҷиён дар назди шӯъбаи ВКД-и шаҳри Доғистон аст, оиди тӯл кашии ҷараёни хориҷ намудани онҳо ва шароити бади нигоҳ доштан шикоят намуданд, хабар медиҳад «Кавказ. Реалии». Тибқи иттилои сомона дар гуруснанишини 12 нафар иштирок намуданд. Ба гуфтаи гуруснанишинон, зиёда аз як сол инҷониб онҳо аз Русия хориҷ шуданашонро интизоранд ва «аз ҳолати муаллақ будан онҳо дилзада шудаанд». «Ба сардори ВКД-и Русия, ба сардори ҳозира ва пешинаи Доғистон, инчунин ба прокуратура муроҷиат намудем, аммо бенатиҷа. Бинобар ин, мо ба эълон кардани гуруснанишини қарор намудем, бигзор бо амали мазкур эътибори  ҳукуматдоронро ба муаммои худ ҷалб намоем», — ба нашрия хабар дод муҳоҷир. Ӯ қайд намуд, ки сокинони қароргоҳи махсус дар ҳолати муҳосираи иттилоотӣ қарор доранд, яъне телевизор ва радио дастрас нест. Инчунин, онҳо аз ёрии тиббӣ низ маҳруманд, бо вуҷуди он ки дар қароргоҳ нафароне ҳастанд, ки ба бемориҳои вазнин аз ҷумла ба шакли кушодаи бемории сил гирифторанд.

Ёдрас мекунем, ки муҳоҷирони меҳнатӣ мунтазам ба қурбони системаи расмиятпарастӣ ва қудратии рус дучор мегарданд, бо вуҷуди ин  ҳокимони кишварҳои Осиёи Марказӣ ба чунин вазъият сукут меварзанд. Айнан эътибор надодани ҳокимони кишварҳои Осиёи Марказӣ ба қазияҳои мазкур ба мансабдорони рус беэътино будан нисбати муҳоҷирони меҳнатӣ аз Тоҷикистон, Ӯзбекистон ва Қирғизистон имконият медиҳад.