• Home »
  • Habarho »
  • Чин уйғурҳои ба ислом амалкунандаро ғайриқонуни эълон намуд

Чин уйғурҳои ба ислом амалкунандаро ғайриқонуни эълон намуд

Ҳукумати Чин бо мубориза алайҳи Ислом аз ҳад гузашт. Дар мухторияти Шинҷон ҳукуматдорони Чин барои муайян намудани ҷудоихоҳони мусулмонони уйғур бо рӯйхати гӯё «экстремизми динӣ» роҳнамои карданро шурӯъ намуд, хабар медиҳад Radio Asia Free.

Тибқи рӯйхати мазкур, акнун барои даст бар сина гузоштан дар вақти намозхони ё ин ки барои мӯйсарашро ҳино намудан, дар манзили зисташ захира кардани таоми бисёр, аз масҷид дуртар намоз гузоштан, гузоштани соат бар дасти рост, калта карда гаштани шим, ҳамчун мард мӯйсари дароз гузоштан ва ғайра инсонро дастгир менамоянд. Дар ривояти пештараи рӯйхат 75 сифат баён карда шудааст, ҳоло дар рӯйхат чанд сифат аст, стансияи радио хабар надодааст.

«Як ташкилоте будааст, ки якдигарро бо мӯйсари бо ҳино ранг кардашуда мешиносанд, вагарна ин корро онҳо намекарданд», иброз намуд котиби шӯъбаи партияи Коммунистии Хитоӣ дар вилояти Хотан.

«Агар шахс бо намояндагони партия салом надиҳад, агар аз нӯшокиҳои спиртӣ парҳез намояд — акнун ҳамаи ин ба сафи экстремизми динӣ дохил мешавад», хабар дод яке аз фаъолони партия.

Ҳукумати Хитоӣ дар тӯли даҳсолаҳо инҷониб мусулмонони уйғурро ба шиканҷаҳои шадид гирифтор намуда, ҳама тарафа барои риоя намудани дин сади роҳ мегардад. Кор то ҷое расид, ки ҳатто аз манзили зисти мусулмонон Қуръонҳо ва қолинакҳои намозгузорӣ мусодира гардид. Намояндаи конгреси уйғурони ҷаҳон Турғунҷон Алавуддин оиди чунин ҳолат шарҳ дода мегӯяд, ки ҳукуматдорон аз уйғурҳо Исломро дур сохтаниянд. «Онҳо андеша доранд, ки агар уйғурҳо даҳрӣ шаванд, онҳоро азхудкарда мешавад», мегӯяд ӯ.