Муҳоҷирати меҳнатӣ: ба Русия тавассути Беларус
Муҳофизи ҳуқуқи муҳоҷирони тоҷик дар Русия Каримҷон Ёров видео навореро нашр кард, ки дар он гурӯҳи муҳоҷирони тоҷик талош мекунанд тавассути қаламрави ҷангалҳои Беларус ба қаламрави Русия бираванд. Тавре ки шумо дар навор мебинед, баъзеи онҳо бо занону фарзандонашон аз байни ҷангал мегузаранд.
Фаъоли ҳуқуқи башар рӯзи 23 май гуфт, ки дар марзи Беларус ва Русия тақрибан 10 муҳоҷири меҳнатӣ боздошт шуданд ва яке аз онҳо, зодаи ноҳияи Фархори Тоҷикистон Бобоҷон Шайхов мебошад, ки гирифтори бемории эпилепсия будааст ва ӯро дар беморхона бистарӣ намуданд.
Чанде пеш фаъоли ҳуқуқи башар ба тамоми ҳамватанон бо дархост муроҷиат кард, ки кӯшиш накунанд тавассути қаламрави Беларус ба Русия ворид шаванд. Зеро чунин кӯшиш оқибатҳои вазнини ҳуқуқӣ, то хориҷ кардан аз Федератсияи Русия ва манъи вуруд ба қаламрави Русияро дар назар дорад.
Нозирон қайд мекунанд, ки чунин амалҳои тоҷикон ба вазъи хеле душвори иқтисодӣ дар кишвар ва гаронии нархи чиптаҳои парвозҳои мустақим ба Русия аз Тоҷикистон рабт доранд. Ҳарчанд режими Тоҷикистон дар бораи муваффақиятҳо дар соҳаҳои гуногун, аз ҷумла дар соҳаи иқтисод, чӣ қадар карнай навозад, мушкилоти бекорӣ ҳамчунон яке аз мушкилоти асосии ҳалношудаи кишвар боқӣ мемонад, тоҷикон барои таъмини оилаҳояшон, омодаанд ба хавфҳои гуногун даст бизананд.
