Дар зиндонҳои Туркманистон барои Ислом маҳкумшудагонро ба қатл мерасонанд
Дар деҳаи Ургенҷи, ки дар шарқи Туркманистон ҷойгир аст, волидайн ҷасади писари худ Ғафуров Азиз соли таваллудаш 1982 аст, ки марҳуми навбатии зиндони «Овадан-Депе» мебошад грифтаанд. Азиз яке аз шахсоне буд, ки барои аъзогии гурӯҳи ҷамоъати муслимин бо пешвояш Баҳром Сапаров ба мӯҳлати тӯлонӣ маҳкум гардидааст, хабар медиҳад нашрияи «Альтернативные новости Туркменистана».
«Тамоми ҷасадаш аз латукӯб ба ранги кабуд табдил ёфтааст, ҳатто аз сабаби хароб ва овезон будан онро ҷасад гуфтан низ мушкил буд», мегӯяд шахсе, ки дар шустушӯи ҷасад иштирок кардааст.
Аз волидайн ва хешовандони марҳум барои ошкор накардани ҳодиса забонхат гирифта шудааст.
Тибқи иттилоӣ таҳририяти «Альтернативные Новости Туркменистана» маълум гардид, ки даҳҳо ҷавонон қурбониёни режими Туркманистон бо айби иштирок дар ҳаракати Исломӣ гардиданд, ки бо якқатор моддаҳо, аз ҷумла бо роҳи зӯровари ба даст даровардани ҳокимият, даъват ба тағйир додани сохти конститутсионӣ ва ғайра айбдор дониста шудаанд.
Ба ақидаи ҳукуматдорон ҷавононро барои ифроти динӣ маҳкум намуданд. Ҷавонон муддати дароз дар ҳалқа ҷамъ шуда аз китобҳои муфтиёт иҷозат дода Исломро меомӯхтанд, тӯйҳои Исломӣ мегузаронданд. Дар ҷамъомадҳо пешвояшон Баҳром Сапаров ба ҷавонон эҳтироми волидайн, зиндагии солим бурданро меомӯзонд ва аз алоқаҳои ғайриникоҳӣ ва ғайра ҷавоноро бозмедошт. Дар ахлоқи ҷавонон хеле дигаргуниҳо дида мешуд: онҳо сигоркашӣ, нӯшидани май ва иштирок дар ҷанҷолҳоро тарк намуданд.
Тибқи иттилоӣ манбаъ, шумораи маҳкумшудагон оиди кампанияи зерин аз сад нафар зиёд гаштааст.
Судҳо нисбати ҳамаи дасгиршудагон ба таври пӯшида шуда гузаштааст, хешутаборони маҳкумшудагон то ҳол расман хабардор карда нашудаанд, ҳатто наздиконашон барои чи маҳкум шуданд, ба муддати чанд сол ва дар куҷо адои ҷазо намуда истодаанд воқиф нестанд.
Аз тобистони соли 2016 то ба имрӯз аз ду марги дар зиндони «Овадан-Депе» маълум гардид. Ҷасади Луқмон Яйланов аз ноҳияи Гарабекевюлск ва ҷасади Норқул Болтаев аз собиқ колхози Искра ба наздиконашон супурда шуд. Инчунин, аз онҳо низ забонхат оиди ошкор накардани вазъият гирифта шудааст.
Дарҳақиқат, фавтидагон дар зиндон хеле зиёд мебошанд, менависад «Альтернативные Новости Туркменистана» такя ба манбаи худ. Дар моҳи марти соли ҷорӣ ҷасади Муроди 33 сола ба наздиконаш гардонида шуд. Мутаассифона насаби ӯро аниқ кардан ғайриимкон буд. Вале маълум гардид, ки ӯ дар маркази Туркманобод атрофи Бозор наздикии мактаби рақами 11 зистааст.
Дар моҳи январ ташкилоти норвегияги оиди дастгирии озодии динӣ «Форум 18» номи 20 нафар аъзоҳои ҷамоъати муслминро, ки маҳкумшудаанд нашр намуд.
