• Home »
  • Habarho »
  • Дар Русия боз як шаҳрванди Тоҷикистон дастгир карда шуд

Дар Русия боз як шаҳрванди Тоҷикистон дастгир карда шуд

Хадамотҳои махсуси Русия таъқибкунии шаҳрвандони Осиёи Марказиро пайваста бо боздодкунии онҳо ба ватанашон идома доранд. Рӯзҳои гузашта дар шаҳри Санкт-Петербурги Федератсияи Русия шаҳрванди 34 солаи Тоҷикистон дастгир карда шуд, ки аз ҷониби ҳукумати Тоҷикистон   бо айби «экстремизм» дар кофтуков эълон шудааст. Дар ин хусус санаи 15 март АН «муҳофизаи фаврӣ» (Оперативное прикрытие) иттилоъ додааст.

Ҷавонмардро  дар хиёбони Рижскиӣ дастгир намуданд. Ӯро ба шӯъбаи полиси рақами 77-и ВКД-и Русия дар ноҳияи Адмиралтейскии шаҳри Санкт-Петербург бурда расониданд.

Зодаи шаҳри Исфараи вилояти Суғд дар ватанаш бо фаъолият намудан дар ташкилоти экстремистӣ, яъне қисми 2 моддаи 307.3 КҶ ҶТ айбдор дониста аз санаи 18-уми майи соли 2017 дар ҷустуҷӯи байналхалқӣ қарор дошт. Ҳамчун андозаи маҳдудкунӣ ӯро ба ҳабс гирифтанд.

Ёдрас бояд кард, ки 5-7 соли охир шумораи шаҳрвандони Тоҷикистон, ки аз тарафи режими бедодгари Раҳмон бо айбҳои бофташуда бо парвандаҳои терроризм ва экстремизми КҶ дар ҷустуҷӯи байналхалқӣ эълон шуда истодаанд афзудааст. Асосан қурбониҳои бофтагарии мазкур шаҳрвандони ба режим маъқул набуда, фаъолони сиёсиву динӣ, инчунин мусулмонони ба дини  худ амалкунанда мебошанд.