• Home »
  • Habarho »
  • Дар Тоҷикистон рӯзҳои фарҳангии Русия гузаронида мешавад

Дар Тоҷикистон рӯзҳои фарҳангии Русия гузаронида мешавад

Аз 23 то 27 сентябри соли ҷорӣ дар Тоҷикистон рӯзҳои фарҳангии Русия гузаронида мешавад. Дар ин хусус хадамоти иттилоотӣ Вазорати фарҳанги Тоҷикистон хабар медиҳад.

Тибқи иттилоӣ манбаъ ҳайъати вакилони расмии Русия ба шаҳри Душанбе санаи 23 сентябр ташриф меорад. Ба ҳайъати вакилон ансамбли академи давлатӣ оиди рақсу бозии рус «Алан» ва ансамбли яккахонон «Московское трио»-и консерваторияи шаҳри Маскав дохил мебошанд.

Маросими расми кушодашавии рӯзҳои фарҳанги Русия дар Тоҷикистон санаи 24 сентябр дар театри академии давлатӣ опера ва балети ба номи Садриддин Айнӣ баргузор мегардад.

Дар чорчӯбаи чорабиниҳои фарҳанги ҳайъати вакилони Русия инчунин бо консерт дар шаҳри Норак баромад хоҳанд кард, хабар медиҳад Вазорати фарҳанг.

Ёдрас мекунем, ки каме пеш охири моҳи августи соли ҷорӣ барои таълим додан дар мактабҳои Тоҷикистон аз тарафи Русия як гурӯҳ омӯзгорон ва 60 ҳазор адад китобҳо ба забони русӣ ирсол карда шуд.

Ба ақидаи коршиносон, қадамҳои зерини Русия на ин ки барои кӯмаки гуманитарӣ ё башардӯстӣ, балки барои боқӣ мондани нуфузи фарҳангии худ дар Тоҷикистон гузошта мешавад.