• Home »
  • Habarho »
  • Дар Тоҷикистон ҳиҷоб, ақиқа, вохӯрии тантанавӣ ҳоҷиён ва азодорӣ расман мамнӯъ аст

Дар Тоҷикистон ҳиҷоб, ақиқа, вохӯрии тантанавӣ ҳоҷиён ва азодорӣ расман мамнӯъ аст

Санаи 23 август аз тарафи вакилони палатаи  поёни парлумони Тоҷикистон ба Қонуни «дар бораи ба танзим даровардани расму оинҳо» тағйиру иловаҳо дароварда шуд. «Шахсони воқеъӣ ва ҳуқуқӣ маҷбуранд, ки хусусиятҳои маданияти миллиро риоя намоянд — бо забони давлатӣ ҳарф бизананд ва либоси миллӣ бипӯшанд», гуфта шудааст дар тағйироти қисми 4 прим 1 моддаи 14 қонуни мазкур.

Ҳамин тавр, режими Раҳмон пас аз ду соли мубориза алайҳи пӯшидани ҳиҷоб, ки дар навбати худ боиси норозигиҳо дар ҷомеа гаштааст, мамнӯъ будани пӯшидани либоси занонаи Исломиро расман қонунӣ гардонид.

Барои вайрон намудани банди қонуни мазкур чораҳои ҷазо таъйин гардидааст, гуфт раиси кумитаи парлумонӣ оид ба масъалаҳои оилавӣ ва ҳифзи иҷтимоии шаҳрвандон Ҳилолби Қурбонзода. Инчунин ӯ қайд намудааст, ки рӯзҳои наздик аз тарафи ҳукумати Тоҷикистон оиди пӯшидани либоси миллӣ дастури махсус тарҳрезӣ карда мешавад.

Иштирокчиёни маҷлис 11 тағйироту иловаҳо ба қонуни «Дар бораи ба танзим даровардани расму оинҳо» бо як овоз тавсиб намуданд.

Ҷолиби диққат аст, ки тағйиру иловаҳо инчунин дигар маросимҳои диниро низ мамнӯъ мегардонад, аз ҷумла маросими ҷашни қурбонӣ кардан ба хотири фарзанддор шудан, яъне «ақиқа», вохӯрии тантанавӣ ҳоҷиён пас аз баргаштан аз ҳаҷ, яъне «Оши ҳоҷиён», аз ҷумла маросими азодорӣ гузарондан низ манъ аст. Ғайр аз ин, минбаъд гузарондани маъракаҳои хатнаи писарбачагон, яъне «тӯӣ суннатӣ» низ  манъ карда мешавад.