• Home »
  • Habarho »
  • Имом-хатибони тоҷик ба Русия сафар мекунанд

Имом-хатибони тоҷик ба Русия сафар мекунанд

Рӯзҳои наздик бо фармоиши ҳукумати Тоҷикистон гурӯҳе аз имом-хатибони тоҷик барои паҳн кардани исломи мӯътадил дар байни муҳоҷирони меҳнатӣ ба Русия сафар мекунанд. Дар ин хусус, раиси Кумитаи оид ба корҳои дин Ҳусейн Шокирзода хабар додааст. «Алҳол як гурӯҳ имом-хатибон барои тарбия намудани муҳоҷирон ба Русия сафар хоҳанд кард», иброз намуд ӯ.

Ёдрас мекунем, ки оиди зарурӣ будани фаъолияти имом-хатибон дар байни муҳоҷирони меҳнатӣ тоҷик якчанд маротиба намояндагони рӯҳонияти мусулмонони рус баён карда буданд. Эҳтимолан, онҳо дарк намуданд, ки ба муҳоҷирони меҳнатӣ таъсир гузаронда наметавонанд. Ин ҷо ҷои тааҷҷубовар нест, зеро онҳо аллакаӣ ба ягон кас, ҳатто ба мусулмонони маҳаллӣ низ таъсир гузаронда наметавонанд.

Коршиносон қайд намудаанд, ки амали мазкур низ ба нокомӣ дучор мегардад. Зеро имом-хатибони дарбории тоҷик низ эътимоди мардуми Тоҷикистонро аз даст доданд.