• Home »
  • Habarho »
  • Мардуми Тоҷикистон дар Осиёи Миёна бештар диндор мебошад

Мардуми Тоҷикистон дар Осиёи Миёна бештар диндор мебошад

Мардуми Тоҷикистон дар Осиёи Миёна бештар диндор мебошадНашрияи Бритонӣ The Telegraph харитаи диндории дунёро нашр намудааст. Чи тавре ки нашрия қайд мекунад, рейтинги мазкур дар натиҷаи гузаронидани пурсиш аз ҷониби ташкилоти Win/Gallup International солҳои 2008, 2009 ва 2015 қайд шудааст. Дар пурсиш посухгӯяндагон ба суоли «Оё шумо худро диндор меҳисобед», посух доданд.

Тибқи маълумотҳои нашршуда кишварони Осиёи Миёна дар рейтинг ба таври зайл ҷойгир шудаанд: дар Тоҷикистон 85% аҳоли худро диндор меҳисобад, дар Туркманистон бошад 80%, Қирғизистон 72%, Қазоқистон 64% ва ҷойи охирро Ӯзбекистон ишғол намудааст, ки 51% аҳолӣ худро диндор меҳисобад.

Тибқи маълумоти пурсиш бештари диндорони ҷаҳон дар кишварҳои Африқо ва Шарқи наздик мушоҳида карда шудааст. Ба рӯйхати панҷ кишварони бештари диндор давлатҳои Эфиопия, Малавӣ, Нигерия, Шри-Ланка ва Йаман дохил шудаанд.