• Home »
  • Habarho »
  • Муфтии Тоҷикистон: ҳиҷоб ва ришро касе манъ накардааст

Муфтии Тоҷикистон: ҳиҷоб ва ришро касе манъ накардааст

Раиси Шӯрои Уламои Тоҷикистон Саидмукаррам Абдуқодирзода ҳафтаи гузашта бо сафари расмӣ ба Туркия ва Миср ташриф овард.

Дар рафти сафар Абдуқодирзода дар конфронси бахшида ба нақши фатвоҳо дар ноилшави ба субот дар ҷомеа, ки дар Миср баргузор гардидааст, иштирок варзид.

Дар замони ҳамсӯҳбатшавӣ бо хабарнигорони «Озодӣ» дар Туркия ба суоли вуҷуд доштани фатво ё ин ки қонуне пӯшидани ҳиҷоб ва гузоштани ришро манъ мекунад, Абдуқодирзода гуфт, ки фатво ё ин ки қонуни мазкур вуҷуд надорад. «Дар ҳақиқат, як вақтҳо барои муайян кардани шахсиятҳое, ки риш мегузоранд чунин буд, вале алҳол муаммои зерин вуҷуд надорад», иброз намуд ӯ.

Ёдрас мекунем, ки каме пеш дар шимоли кишвар аз тарафи кормандони милиса ҳунарпешагони театри маҳаллӣ барои гузоштани риш дастгир шуда буданд. Пас аз он, ки шахсияти дастгиршудагон муайян шуд, ҳукумати маҳаллӣ ба онҳо гувоҳиномаи муваққатӣ бо иҷозати риш гузоштан дода шуд. Санади мазкур ба онҳо то он даме, ки дар саҳнаи театр спектакли «Марги судхӯр» рафта истодааст барои риш гузоштан иҷозат медиҳад.

Саидмукаррам Абдуқодирзода бо тобеъ будани худ ба сиёсати Раҳмон машҳур мебошад ва ҳама вақт қонунӣ будани режимро гуфта меояд.  Барои  дастгирӣ намудани режими мустабиди секуляристӣ фатвоҳои ба ислом зид мебарорад.